2 Tes 3:1 - Nouvo Testaman dan Kreol Morisien

¹ Finalman, mo bann frer ek ser, priye pou nou pouki Parol Lesegner kapav propaze bien vit e ki li onore partou, parey kouma sa ete parmi nou.

Nouvo Testaman Kreol Morisien Harmonisation NTPS KM

¹ Finalman, mo bann frer ek ser, priye pou nou pou ki Parol Lesegner kapav propaze bien vit e ki li onore partou, parey kouma sa ete parmi nou.

2 Tes 3:1 ပူးပေါင်းရင်းမြစ်များ

Mt 9:38

Alor, priye met larekolt pou avoy travayer”

Lk 10:2

Li dir zot, “Rannman boukou dan karo me zouvrie tigit; priye Propriyeter karo pouki li avoy zouvrie dan so karo.

Zistwar Bann Zapot 12:24

Me laparol Bondie ti kontign repann ek miltipliye.

Zistwar Bann Zapot 19:20

Koumsamem parol Lesegner ti fann partou e ti pe grandi avek lafors.

Zistwar Bann Zapot 6:7

Parol Bondie ti pe kontign repann; nonb disip ti ogmante dan Zerizalem, e mem enn lafoul pret ti aksepte lafwa.

Let pou Romin 15:30

Mo fer enn lapel, mo bann frer, mo bann ser, par nou Segner Zezi Kris e par lamour ki Lespri Sin done: zwenn zot ansam ar mwa pou priye Bondie pou mwa.

1 Ko 16:9

Laport finn ouver angran pou fer enn travay isi, mem si ena bann adverser.

2 Ko 1:11

Ki zot kontign asiste nou par zot lapriyer. Bondie pou reponn lapriyer ki boukou dimoun finn fer pou nou, e li pou beni nou. Zot lapriyer pou vinn enn fason pou dir Bondie mersi.

2 Ko 13:11

Finalman, bann frer ek bann ser, viv dan lazwa, fer zefor pou vinn parfe, ankouraz zot kamarad, res dakor ant zot, viv dan lape, e Bondie ki lamour ek lape pou avek zot.

Let pou Kolosien 4:3

Kan zot priye, priye ousi pou nou: ki Bondie ouver enn laport pouki nou gagn lokazion anons mister Lekris; se pou sa ki mo dan prizon:

1 Tes 1:5

parski kan nou finn amenn zot mesaz Bonn Nouvel, li pa zis par laparol, me li osi avek pwisans ek led Lespri Sin e avek enn gran konviksion. Zot kone kouma nou finn viv parmi zot pou zot prop dibien.

1 Tes 1:8

Parol Lesegner ki sorti kot zot, pa finn zis propaze dan Masedwann ek Akai, me nouvel zot lafwa osi finn fane partou. Alor nou pena nanye pou koze.

1 Tes 2:1

Mo bann frer, mo bann ser, zot bien kone ki nou pa finn vinn kot zot pou nanye.

1 Tes 2:13

Nou touzour pe rann gras Bondie parski letan nou finn anons zot so Parol, zot finn ekoute e zot finn aksepte li, pa kouma enn parol imin me kouma enn parol ki vremem sorti kot Bondie e ki pe azir dan zot, bann krwayan.

1 Tes 4:1

Finalman frer ek ser, zot finn aprann avek nou kouma zot bizin konport zot pou fer plezir Bondie, e zot pe deza fer li. Asterla nou dimann zot e nou sipliy zot lor nom Segner Zezi, pou fer plis ankor.

1 Tes 5:17

Priye toultan.

1 Tes 5:25

Mo bann frer e ser, priye osi pou nou.

2 Tim 2:9

Akoz samem mo dan prizon zordi kot pe tret mwa kouma enn kriminel. Me personn pa kapav ansenn Bonn Nouvel.