2 Tes 1:9 - Nouvo Testaman dan Kreol Morisien

⁹ Zot pinision pou detrir zot pou touzour e pou separ zot avek prezans Bondie ek pwisans so laglwar.

Nouvo Testaman Kreol Morisien Harmonisation NTPS KM

⁹ Zot pinision pou detrir zot pou touzour e pou separ zot avek prezans Bondie ek pwisans so laglwar.

2 Tes 1:9 ပူးပေါင်းရင်းမြစ်များ

Mt 16:27

Garson Limanite pou vini avek so bann anz dan laglwar so Papa, e lerla li pou tret sak dimoun dapre seki li finn fer.

Mt 22:13

Lerla lerwa dir so bann serviter, ‘Atas so lame ek so lipie, zet li deor dan teneb, la kot pou ena boukou plore, kriye ek grinsman ledan.’

Mt 24:30

Lerla sign Garson Limanite pou paret dan lesiel; tou bann tribi lor later pou fer dey e zot pou trouv Garson Limanite vini dan niaz avek boukou pwisans ek laglwar.

Mt 25:41

Apre lerwa pou dir bann ki dan so kote gos: ‘Al lwin ar mwa zot modi! Al dan dife eternel ki pa pou zame tegn e ki finn prepare pou Satan ek so bann asosie.

Mt 25:46

E sa bann la pou pini pou toultan, me bann zis, zot pou gagn lavi eternel.”

Mt 26:24

Garson Limanite pe al mor dapre seki finn ekrir lor li, me maler pou sa dimoun ki pe trair Garson Limanite! Pou limem vomie, li pa ti ne.”

Mt 7:23

Lerla li pou dir zot, ‘Zame mo pa finn konn zot; sorti la ale, zot ki komet lemal.’

Lk 13:27

Li pou redir zot, ‘Zot tou ki komet lemal, mo pa kone kot zot sorti. Sorti devan mwa ale.’

Zn 5:14

Inpe pli tar, Zezi trouv li dan tanp e li dir li, “Gete, aster to finn bien, pa fer pese ankor pouki to pa gagn problem pli grav.”

Let pou Filipien 3:19

Zot pe al ver zot destriksion; zot vant samem zot Bondie, zot fier pou kiksoz ki ti bizin fer zot onte; zot mazinn zis bann zafer sa lemonn la.

1 Tes 5:3

Kan dimoun pou dir, “Ena lape ek sekirite,” lerlamem maler pou fini zot enn sel kou parey kouma douler enn madam ansint ki pe akouse. Zot pa pou kapav sove.

2 Tes 2:8

lerla move rebel la pou paret e Segner Zezi pou touy li, li pou detrir li avek lafors so retour.

Let pou Tit 2:13

Nou pe atann dan lesperans sa gran zour la kot laglwar Bondie nou Sover dan Zezi Kris pou manifeste li.

Eb 10:29

Ki pou ariv sa dimoun ki mepriz Garson Bondie, ki tret bonavini disan lalians Bondie ki finn pirifie li e ki insilte Lespri lagras? Zot kapav devine ki kantite sever so pinision pou ete!

2 Pi 2:17

Sa bann dimoun la, zot kouma bann lasours ki pena dilo, bann niaz dirize par devan siklonn. Enn plas dan marenwar finn fini rezerve pou zot.

2 Pi 3:7

Me, sa mem parol la finn rezerv lesiel ek later zordi pou dife. Zot finn bien prezerve pou zour zizman ek destriksion bann peser.

Let Zid 1:13

Zot parey bann vag feros lamer, so lekim pe kras zot bann aksion laont. Zot parey bann zetwal ki Bondie finn rezerv enn plas pou touzour dan lanwit.

Revelasion 20:11

Apre mo trouv enn gran tronn blan avek enn kikenn asiz lor la. Later ek lesiel disparet devan li e personn pa trouv zot ankor.

Revelasion 20:14

Apre ti zet lamor ek Ades dan basin dife. Basin dife, samem deziem lamor.

Revelasion 21:8

Me bann las, bann infidel, bann deprave, bann asasin, bann ki viv lavi imoral, bann mazisien, bann ki ador zimaz, ek tou bann manter, zot plas pou dan basin dife ek souf; samem deziem lamor.”

Revelasion 22:15

Me andeor lavil ena bann lisien ek bann sorsie, bann dimoun imoral, kriminel, bann adorater idol ek tou bann ki kontan e pratik mansonz.