2 Tes 1:10 - Nouvo Testaman dan Kreol Morisien

¹⁰ Letan li vini zour so glorifikasion parmi tou so pep, li pou admire par bann dimoun ki finn krwar dan li e zot osi zot pou parmi akoz zot temwagnaz.

Nouvo Testaman Kreol Morisien Harmonisation NTPS KM

¹⁰ Letan li vini zour so glorifikasion parmi tou so pep, li pou admire par bann dimounn ki finn krwar dan li e zot osi zot pou parmi akoz zot temwaniaz.

2 Tes 1:10 ပူးပေါင်းရင်းမြစ်များ

Mt 16:27

Garson Limanite pou vini avek so bann anz dan laglwar so Papa, e lerla li pou tret sak dimoun dapre seki li finn fer.

Mt 16:28

Laverite mo dir zot, ena parmi zot ki pa pou konn lamor avan ki zot trouv Garson Limanite revini dan so Rwayom.”

Mt 24:36

Ki zour, ki ler, personn pa kone, ni bann anz dan lesiel, ni mem Garson Limanite, zis papa la tousel kone.

Mt 25:31

“Kan Garson Limanite vini dan so laglwar avek tou bann anz, li pou asiz lor so tronn rwayal.

Mt 7:22

Zour zizman, pou ena boukou ki pou dir mwa ‘Segner, Segner, lor to nom nou finn azir kouma profet, lor to nom nou finn sas bann move lespri, lor to nom ki nou finn akonpli boukou mirak.’

Lk 10:12

Mo dir zot, zour zizman pou mwin dir ar Sodom ki ar sa lavil la.

Zn 11:4

Me letan Zezi tann sa, li dir, “Sa maladi la pa pou donn lamor, me li pou montre laglwar Bondie e pou manifeste osi laglwar Garson Bondie.”

Zn 17:10

Tou seki pou mwa, pou twa e tou seki pou twa, pou mwa; mo laglwar reflekte lor zot figir.

1 Ko 1:6

Temwagnaz ki nou finn rann lor Lekris finn bien ankre dan zot.

1 Ko 3:13

so travay pou devwale zour zizman dapre valer ki li ena, parski sa zour la tou travay pou vizib par dife. Dife pou teste travay la, dife pou montre seki li vo.

Ga 1:24

E zot ti glorifie Bondie akoz mwa.

Ef 1:12

pou nou loue so grander, nou ki ti bann premie pou met nou lesperans dan Lekris.

Ef 1:14

Lespri Sin, li enn lavans lor leritaz ki Bondie rezerve pou so pep. Sa donn nou lasirans ki Bondie pou akord nou delivrans final. Anou donn li laglwar!

Ef 1:18

Mo priye ki li ouver zot leker ver so lalimier pou zot kone dan ki lesperans li pe apel zot, ki rises e ki mervey ena dan so leritaz ki li pe donn zot parmi pep Bondie,

Ef 1:6

Anou loue Bondie pou so laglwar ek so lagras ki li finn donn nou dan so Bieneme.

Ef 2:7

Par sa, Bondie anvi montre pou bann siek ki pe vini, rises so lagras, exprime par so bonte pou nou dan Zezi Kris.

Ef 3:10

Asterla atraver legliz, bann lotorite ek bann pouvwar ki lao dan lesiel kapav konn sazes Bondie dan tou so diferan form.

Ef 3:16

Mo dimann li, dapre rises so laglwar, ki li fortifie zot leker par so Lespri.

1 Tes 1:5

parski kan nou finn amenn zot mesaz Bonn Nouvel, li pa zis par laparol, me li osi avek pwisans ek led Lespri Sin e avek enn gran konviksion. Zot kone kouma nou finn viv parmi zot pou zot prop dibien.

1 Tes 2:1

Mo bann frer, mo bann ser, zot bien kone ki nou pa finn vinn kot zot pou nanye.

1 Tes 2:12

Nou finn ankouraz zot, rekonfort zot ek plede pouki zot amenn enn lavi korek dapre Bondie, ki apel zot pou partaz ar li so rwayom ek so laglwar.

1 Tes 2:13

Nou touzour pe rann gras Bondie parski letan nou finn anons zot so Parol, zot finn ekoute e zot finn aksepte li, pa kouma enn parol imin me kouma enn parol ki vremem sorti kot Bondie e ki pe azir dan zot, bann krwayan.

2 Tes 1:12

Alor, nom Segner Zezi pou glorifie dan zot, e zot dan li, dapre lagras Bondie e nou Segner Zezi Kris.

2 Tes 2:13

Nou bizin touzour pe rann gras Bondie pou zot bann frer ek ser, parski Bondie finn swazir zot depi komansman mem pou sov zot par pouvwar Lespri e par zot krwayans dan laverite, pou fer zot vinn enn pep sin.

1 Tim 3:16

Wi, vremem, mister nou lafwa, li gran. Lekris finn paret kouma enn imin, Lespri Sin finn rann li zis, Bann anz finn kontanple li, Finn anons li kot tou bann pep lemonn krwar dan li E li finn mont dan laglwar.

2 Tim 1:12

Akoz samem zordi mo pe soufer. Me mo touzour konfian, mo napa per, mo kone dan ki mo finn met mo lafwa e mo sir e sertin ki li pou vey lor mwa ziska Gran Zour la vini.

2 Tim 1:18

Bondie beni li pou Gran Zour la. To konn bien kantite servis li finn rann mwa dan Efez.

2 Tim 4:8

Asterla, finn ler pou mo gagn kouronn lazistis ki Lesegner, sel bon ziz, pou donn mwa zour zizman. Pa mo tousel, me tou seki finn atann so zour dan lamour.

1 Pi 2:9

Me zot, okontrer, zot enn ras ki Bondie finn swazire, bann pret rwayal, enn nasion sin, Bondie so prop pep ki finn swazir pou proklam bann mervey Sa Enn ki finn apel zot pou sorti dan teneb pou rant dan so lalimier merveye.