2 Pi 3:11 - Nouvo Testaman dan Kreol Morisien

¹¹ Si tou kiksoz pou bizin disparet dan sa fason la, alor ki kalite dimoun nou bizin ete? Zot bizin ena enn lavi sin e respektab devan Bondie.

Nouvo Testaman Kreol Morisien Harmonisation NTPS KM

¹¹ Si tou kiksoz pou bizin disparet dan sa fason-la, alor ki kalite dimounn nou bizin ete? Zot bizin ena enn lavi sin e respektab devan Bondie.

2 Pi 3:11 ပူးပေါင်းရင်းမြစ်များ

Mt 8:27

Tou dimoun etone, zot dir, “Kisannla sa? Mem divan ek lamer obeir li.”

Let pou Romin 13:11

Pran sa bien serye, parski zot kone dan ki letan nou pe viv. Ler finn arive pouki zot sorti dan somey. Ladelivrans pli pre asterla ki letan nou ti krwar premie fwa.

Let pou Romin 13:12

Lanwit pe preske fini, lizour pe aprose. Anou aret pratik bann aksion ki fer dan lobskirite e anou pran bann zarm ki servi dan lalimier.

2 Ko 1:12

Rasinn nou fierte, se temwagnaz nou konsians: nou konportman dan lemonn e avek zot li nouri par sinserite ek pirte ki Bondie donn nou. Nou pa gide par sazes imin me par lagras Bondie.

Let pou Filipien 1:27

Me selman, amenn zot lavi dapre Bonn Nouvel Lekris. Mem si mo vinn get zot ou pa, mo espere tande ki zot pe tini ferm dan enn sel lespri pou lit ansam pou fer lafwa avanse dapre Bonn Nouvel.

Let pou Filipien 3:20

Me nou, nou bann sitwayin lesiel e nou pe atann nou Sover ek Segner Zezi Kris vini, li ki sorti depi laba.

1 Tes 1:5

parski kan nou finn amenn zot mesaz Bonn Nouvel, li pa zis par laparol, me li osi avek pwisans ek led Lespri Sin e avek enn gran konviksion. Zot kone kouma nou finn viv parmi zot pou zot prop dibien.

1 Tim 3:16

Wi, vremem, mister nou lafwa, li gran. Lekris finn paret kouma enn imin, Lespri Sin finn rann li zis, Bann anz finn kontanple li, Finn anons li kot tou bann pep lemonn krwar dan li E li finn mont dan laglwar.

1 Tim 4:12

Mo napa oule ki personn souzestim twa akoz to enn zenes. Okontrer, vinn enn lexanp pou zot par to parol, to lamour, to lafwa, to manier viv.

1 Tim 6:11

Me twa ki reprezant Bondie, evit tousala. Rod lazistis, latasman ar Bondie, lafwa, lamour, pasians ek douser.

1 Tim 6:3

Si kikenn donn enn lot lansegnman ki diferan ar bonn parol nou Segner Zezi e bann lansegnman dapre nou lafwa,

1 Tim 6:6

Laverite seki lafwa dan Bondie enn veritab rises si ou kontant ou avek seki ou ena.

Eb 13:5

Ki lamour pou larzan pa determinn zot lavi, kontant zot avek seki zot ena, parski Bondie finn dir “Zame mo pa pou kit twa, ni abandonn twa.”

Let Zak 1:24

apre ki li finn get limem, li ale e li bliye kouma li ete.

Let Zak 3:13

Eski ena kikenn parmi zot ki panse li saz ek intelizan? Ki li prouv li par so bon kondwit, par so bann aksion ki li akonplir avek sazes ek limilite.

1 Pi 1:15

Okontrer, parey kouma Bondie ki finn apel zot, li sin, zot osi zot bizin vinn sin dan zot konportman.

1 Pi 2:12

Ena enn bon kondwit parmi bann payin; lerla, mem si zot dir foste lor zot e tret zot kouma malfeter, zot pou oblize rekonet bann bon travay ki zot pe fer e glorifie Bondie kan li retourne.

2 Pi 1:3

Pwisans Bondie finn donn nou tou seki nou bizin pou viv enn lavi sin; li fer nou konn sa kikenn ki finn apel nou par so laglwar ek lafors so laksion.

2 Pi 1:6

Avek konesans azout kontrol lor zotmem, avek kontrol lor zotmem azout landirans, avek landirans azout latasman ar Bondie,

2 Pi 3:10

Zour Lesegner pou vini kouma enn voler dan lanwit; lerla lesiel pou disparet avek enn gran fraka e tou bann zetwal anflam pou dezintegre, e later ek tou saki lor li pou disparet.

2 Pi 3:12

Letan ki zot pe atann zour Lesegner, zot bizin fer tou zefor pouki li vinn pli vit. Sa zour la, lesiel pou pran dife e disparet e bann zetwal pou fonn ar saler.