2 Pi 1:19 - Nouvo Testaman dan Kreol Morisien

¹⁹ Alor nou kapav ena plis konfians dan mesaz sorti kot bann profet. Li dan zot lavantaz pou fer bien atansion parski li parey enn lalanp ki briye dan marenwar ziska lizour kan zetwal gramatin leve pou ekler zot leker.

Nouvo Testaman Kreol Morisien Harmonisation NTPS KM

¹⁹ Alor nou kapav ena plis konfians dan mesaz sorti kot bann profet. Li dan zot lavantaz pou fer bien atansion parski li parey enn lalanp ki briye dan marenwar ziska lizour kan zetwal gramatin leve pou ekler zot leker.

2 Pi 1:19 ပူးပေါင်းရင်းမြစ်များ

Mt 4:16

lepep ki ti dan teneb finn trouv enn gran lalimier e bann ki ti finn mor dan zot pese, enn lalimier finn leve pou zot.”

Zn 5:35

Zan ti enn lalanp ki alime e ki ti pe donn so lekleraz; pou enn moman, zot leker ti dan lazwa letan zot ti pe profit so lalimier.

Zn 5:39

Zot fouy dan Lekritir parski zot mazine ki ladan ena lavi eternel; zisteman tou seki ena ladan donn enn temwagnaz lor mwa.

Zn 8:12

Zezi ti pe koz ar zot ankor, li dir “Momem lalimier dan lemonn; seki swiv mwa pa pou mars dan teneb me li pou gagn lalimier ki donn lavi.”

Zistwar Bann Zapot 15:29

Pa manz seki finn ofer bann idol, ni disan; napa manz zanimo ki finn trangle; e prezerv zot kont pratik imoral. Zot pou bien fer si zot evit tou sa la. Orevwar.”

Zistwar Bann Zapot 17:11

Bann Zwif Bere ti ena meyer santiman ki bann Zwif Tesalonik. Zot ti pli pare pou resevwar Bonn Nouvel ki bannla. Toulezour zot ti pe examinn laparol pou verifie sipa seki ti pe dir la ti korek.

Eb 2:2

Si mesaz ki bann anz ti amene lontan ti valid e tou dimoun ki pa ti respekte ek obeir mesaz la, zot ti gagn pinision ki zot ti merite;

Let Zak 2:8

Bien sir, zot fer bien si zot vremem obeir lalwa rwayom dapre Lekritir, “To bizin kontan to prosin kouma tomem.”

1 Pi 1:10

Bann profet finn fer resers lor sa delivrans la, e zot finn profetiz lor size lagras ki finn rezerve pou zot.

1 Zn 5:10

Dimoun ki krwar dan Garson Bondie, li ena sa temwagnaz la dan so leker. Dimoun ki pa krwar dan Bondie, li finn fer li pas pou enn manter, parski li pa finn krwar temwagnaz ki Bondie finn done lor so Garson.

3 Zn 1:6

Zot finn donn temwagnaz lor to lamour dan legliz. To pou azir bien si to ed zot dan zot vwayaz dan enn fason ki pou fer plezir Bondie;

Revelasion 2:28

Parey kouma mo finn resevwar pouvwar ek mo Papa, mo pou donn li zetwal ki leve avan lizour.

Revelasion 22:16

“Mwa, Zezi, mo finn avoy mo anz kot bann legliz ar sa temwagnaz la: ‘Mo enn desandan David, zetwal ki briye gramatin.’ ”