2 Pi 1:16 - Nouvo Testaman dan Kreol Morisien

¹⁶ Ofet, nou pa finn aranz enn zistwar baze lor bann kontdefe pou fer zot konn pouvwar Zezi Kris ek so retour, me noumem, nou finn trouv so grander ek nou prop lizie.

Nouvo Testaman Kreol Morisien Harmonisation NTPS KM

¹⁶ Ofet, nou pa finn aranz enn zistwar baze lor bann kont-de-fe pou fer zot konn pouvwar Zezi Kris ek so retour, me noumem, nou finn trouv so grander ek nou prop lizie.

2 Pi 1:16 ပူးပေါင်းရင်းမြစ်များ

Mt 16:27

Garson Limanite pou vini avek so bann anz dan laglwar so Papa, e lerla li pou tret sak dimoun dapre seki li finn fer.

Mt 16:28

Laverite mo dir zot, ena parmi zot ki pa pou konn lamor avan ki zot trouv Garson Limanite revini dan so Rwayom.”

Mt 17:1

Sis zour apre, Zezi pran Pier, Zak ek so frer Zan e li amenn zot lor enn montagn bien ot. Zot ti tousel avek li.

Mt 24:27

Parey kouma zekler briye dan lesiel depi dan les ziska lwes, koumsamem Garson Limanite pou vini.

Mt 24:3

Plitar ler li pe asize lor montagn Pie Zoliv, bann disip vinn get li anprive, zot dimann li, “Dir nou kan sa pou arive, e ki sign pou ena pou anons lafin-dimonn.”

Mt 28:18

Zezi vinn pre ar zot e dir zot, “Finn donn mwa tou pouvwar dan lesiel ek lor later,

Mk 13:26

Lerla zot pou trouv Garson Limanite desann depi dan niaz avek tou so pwisans ek tou so laglwar.

Mk 14:62

Zezi reponn, “Momem sa; zot pou trouv Garson Limanite pe asize adrwat Toupwisan e pe desann dan niaz lesiel.”

Lk 1:2

Zot finn baz zot zistwar lor bann temwin ki finn trouv seki finn pase, e lor parol bann seki finn gagn lord transmet sa bann evennman la depi komansman.

Lk 9:43

Zot tou ti inpresione par grander inkonparab Bondie. Alor ki zot tou ti pe emerveye par tou seki li pe ti fer, li dir so bann disip,

Zn 1:14

Laparol finn vinn enn imin e li finn abit kot nou. Li ti ranpli ar lamour ek laverite. Nou finn kontanple so laglwar, laglwar sel Garson Bondie Papa.

Zn 17:2

Vremem, to finn donn li pouvwar lor tou dimoun e li finn donn lavi eternel tou seki to finn konfie li.

Let pou Romin 1:4

me dapre Lespri Sin, li deklare Garson Bondie avek enn gran pwisans kan ti resisit li depi bann mor.

1 Ko 1:17

Lekris pa finn avoy mwa pou batiz dimoun me pou proklam laparol, san servi enn langaz dapre lasazes imin, pouki lamor Zezi lor lakrwa pa perdi so pwisans.

1 Ko 1:23

me nou, nou proklam Lekris krisifie. Sa li enn mesaz ki kre skandal parmi bann Zwif, ek li enn foli pou bann Grek.

1 Ko 1:7

Zot pa mank okenn don ki Lespri Bondie done pandan ki zot pe atann Lesegner Zezi Kris aparet.

1 Ko 2:1

Frer e Ser, letan mo ti vinn kot zot pou rann temwagnaz lor Bondie, mo pa ti vinn avek enn langaz konplike ni avek enn lasazes siperyer.

1 Ko 2:4

E mo pa ti anons mo mesaz ou fer mo predikasion par bann diskour ki servi lasazes imin, me par enn demonstrasion pwisans Lespri Sin.

1 Ko 5:4

Kan zot vinn ansam lor nom Lesegner Zezi e ki mo avek zot dan lespri, e pwisans nou Segner Zezi prezan,

2 Ko 2:17

Nou pa kouma boukou lezot ki fer trafik marsandiz ar parol Bondie; okontrer parski Bondie finn avoy nou, nou koz avek sinserite dan so prezans kouma serviter Lekris.

2 Ko 4:2

Nou finn renons bann plan ki fer dan kasiet ek dan laont; nou pena aksion ki desevwar lezot e nou pa falsifie parol Bondie. Okontrer nou fer konn laverite dan enn fason kler devan konsians tou dimoun dan prezans Bondie.

Ef 4:14

Lerla nou pa pou kouma bann zanfan, ki balote, ki sakouye dan siklonn toukalite doktrinn ki bann dimoun rize servi pou antrenn lezot dan lerer.

Let pou Filipien 3:21

Grasa so pwisans ki kapav kontrol tou kiksoz, li pou transform nou lekor mortel pou rann li parey kouma so lekor glorifie.

1 Tes 2:19

Apre tou, zotmem nou lesperans, nou lazwa. Zot pou parey kouma enn kouronn doner pou nou dan prezans nou Segner Zezi letan li retourne.

2 Tes 2:9

Lemesan pou vini avek lafors Satan, ki pou servi tou pouvwar, tou bann sign pou anbet dimoun.

1 Tim 1:4

Anpes zot rakont toutsort kalite zistwar ek koz gran-gran koze lor bann anset parski tousala pa servi nanye parski zis par lafwa ki plan Bondie avanse.

1 Tim 4:7

Les dekote bann zistwar payin, bann palab e tou sort komeraz. Abitie twa viv dan latasman avek Bondie.

Let pou Tit 1:14

Pa pret atansion ar tou sort kalite zistwar ki bann Zwif pe rakonte ek bann komannman imin ki fer dimoun tourn ledo ar laverite.

2 Pi 2:3

Akoz zot gourmandiz larzan, sa bann dimoun la pou explwat zot par bann koze malonet. Depi lontan, zizman finn fini pase lor zot e zot destriksion pa lwin.

1 Zn 4:14

Nou finn trouve e nou temwagne ki Bondie finn avoy so Garson kouma Sover lemonn.

Let Zid 1:14

Enok, setiem desandan Adam ti profetize, li dir: “Gete, Lesegner pe vini avek dis mil anz,

Revelasion 1:7

Gete, li pe vini dan niaz! Tou dimoun pou trouv li, mem bann ki ti transpers li. Tou bann pep lor later pou rakonte, wi koumsamem sa pou ete. Amen.