2 Ko 9:8 - Nouvo Testaman dan Kreol Morisien

⁸ Bondie ena pouvwar donn twa plis ki bizin, pouki toultan to ena seki neseser, ek anplis pou to partaz dan bann bonaksion.

Nouvo Testaman Kreol Morisien Harmonisation NTPS KM

⁸ Bondie ena pouvwar donn twa plis ki bizin, pou ki touletan to ena seki neseser, ek anplis pou to partaz dan bann bon aksion.

2 Ko 9:8 ပူးပေါင်းရင်းမြစ်များ

Zistwar Bann Zapot 9:36

Dan lavil Zope ti ena parmi bann disip enn fam ki ti apel Tabita, dan langaz Grek so nom vedir Dorkas, ki vedir gazel. Li ti touzour fer dibien pou ed bann pov.

1 Ko 15:58

Alor, mo bann frer ek ser, debout ferm. Pa les nanye destabiliz zot. Kontign progrese dan travay Lesegner, parski zot kone ki nanye pa perdi kan zot servi Lesegner.

2 Ko 13:3

Zot pou gagn tou prev neseser pou prouve ki Lekris koz par mwa. Lekris pa feb pou zot, me li manifeste so pwisans parmi zot.

2 Ko 8:19

Pli meyer ankor, bann legliz finn swazir li pou akonpagn nou dan sa mouvman zenerozite la; sa enn servis ki nou fer pou laglwar Bondie e pou montre nou bann bon lintansion.

2 Ko 8:2

Zot finn pas par bann eprev bien sever, me zot lazwa telman gran ki, mem dan zot lavi pov, zot finn montre enn gran zenerozite.

2 Ko 8:7

Zot ena plin lafwa, don laparol, konesans, enn zel ki pena limit ek lamour ki nou finn donn zot; alor, nou atann ki zot montre enn gran zenerozite pou lokazion prezan.

2 Ko 9:11

Li pou toultan fer zot ena ase larises pouki zot res zenere; koumsa atraver nou, enn kantite dimoun pou remersie Bondie pou bann don ki zot finn done.

Ef 2:10

Nou, nou louvraz Bondie, li finn fasonn nou, li finn kre nou dan Zezi Kris pouki nou realiz bann bonaksion ki Bondie finn prepare davans.

Ef 3:20

Par so pwisans ki azir dan nou, Bondie kapav fer boukou plis ki nou dimande, mem boukou plis ki nou kapav imazine,

Let pou Filipien 4:11

Pa lakoz mo dan bezwin ki mo koz koumsa, non, mo finn aprann ki dan ninport ki leta mo ete mo bizin kontan.

Let pou Kolosien 1:10

pouki zot amenn enn lavi dign Lesegner, e ki zot rod fer li plezir. Par tou saki zot pou fer de bon, zot pou prodwir bann fri e zot pou progrese dan vre konesans Bondie.

2 Tes 2:17

li ranpli zot leker avek kouraz e li akord zot lafors pou touzour pratik seki bien, par zot aksion ek zot parol.

2 Tim 2:21

Koumsamem, seki prezerv limem kont bann erer, li pou parey enn ki ena valer par so pirte. So met pou pran li bien swin ek li pou itil pou tou bann lokazion.

2 Tim 3:17

afin ki enn serviter Bondie li kalifie ek ekipe pou fer enn bon travay.

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

Let pou Tit 3:14

Bann Kretien bizin aprann servi zot letan fer bon kiksoz pou reponn bann vre bezwin. Koumsa zot pou raport bann fri.

Let pou Tit 3:8

Sa enn parol sir. Mo oule ki to met lanfaz lor sa bann kestion la afin ki bann ki finn met zot lafwa dan Bondie, zot ena aker pou fer lebien devan tou dimoun, seki enn bon zafer an limem.

1 Pi 4:10

Sakenn, parey kouma enn bon serviter, servi bien bann diferan kalite lagras ki Bondie finn donn zot.