2 Ko 8:1 - Nouvo Testaman dan Kreol Morisien

¹ Bann frer e bann ser, nou anvi ki zot kone kouma lagras Bondie finn manifeste dan bann legliz Masedwann.

Nouvo Testaman Kreol Morisien Harmonisation NTPS KM

¹ Bann frer ek bann ser, nou anvi ki zot kone kouma lagras Bondie finn manifeste dan bann Legliz Masedwann.

2 Ko 8:1 ပူးပေါင်းရင်းမြစ်များ

Mt 25:22

Serviter ki ti resevwar de talan la aprose li osi, li dir: ‘Met, ou finn donn mwa de talan, ala mo finn gagn ankor de.’

Zistwar Bann Zapot 11:23

Letan li ariv laba li trouv lagras Bondie, li ti bien-bien kontan. Li ti ankouraz zot tou pou res fidel ar Lesegner ar tou zot leker.

Zistwar Bann Zapot 16:9

Aswar Pol gagn enn vizion. Enn Masedonien ti pe dibout ek ti pe sipliye, “Vinn Masedwann pou sov nou.”

Zistwar Bann Zapot 24:17

Apre plizir lane, mo finn retourn Zerizalem; mo finn amenn larzan pou ed mo pep e pou prezant bann ofrand Bondie.

Let pou Romin 15:26

parski Masedwann ek Akai finn fer enn kolekt pou bann pov parmi bann krwayan dan Zerizalem.

1 Ko 15:10

Me par lagras Bondie mo finn vinn seki mo ete. Sa lagras ki li finn akord mwa la, li pa dan vid. Okontrer, mo finn travay plis ki tou lezot apot; non, pa mwa, me lagras Bondie ki avek mwa.

2 Ko 11:9

Pandan ki mo ti kot zot e mo ti mank kiksoz, mo pa ti vinn enn fardo pou zot, parski bann frer e bann ser ki sorti Masedwann ti donn mwa tou saki mo ti bizin. Mo finn fer ansort ki mo pa enn fardo pou zot, e mo pou kontign koumsa dan lavenir.

2 Ko 9:12

Sa kontribision la, li pa zis konble seki lepep Bondie pe manke, me li fer enn debordman aksiondegras pou dir Bondie mersi.

2 Ko 9:2

Mo konn zot bon lintansion, ek avek fierte mo finn dir bann Masedonien ki Akai finn pare depi lane dernier, ek sa finn ankouraz bannla pou azir.

2 Ko 9:4

Selma, si bann Masedonien vinn avek mwa e zot dekouver ki nanye pa finn pare, nou pou vremem onte; san mansione komie zot, zot pou dan laont, telman nou ti ena lasirans letan nou ti koze.

Ef 3:8

Parmi tou bann krwayan momem dernie parmi bann dernie. Malgre sa Bondie finn fer mwa enn gran faver: pou al anons bann non-Zwif larises infini ki Lekris ena,

Let pou Kolosien 1:29

Se pou sa ki mo travay, ki mo lite avek tou so lafors ki azir avek pwisans dan mwa.

1 Tes 4:10

Biensir, zot kontan tou bann frer ek ser dan Masedwann. Me nou sipliy zot pou fer ankor plis.