2 Ko 5:15 - Nouvo Testaman dan Kreol Morisien

¹⁵ Li finn mor pou tou dimoun, afin ki seki viv, li nepli viv pou limem me li viv pou Sa-Enn ki finn mor pou zot la, e ki finn resisite pou zot.

Nouvo Testaman Kreol Morisien Harmonisation NTPS KM

¹⁵ Li finn mor pou tou dimounn, afin ki seki viv, li nepli viv pou limem me li viv pou Sa-Enn ki finn mor pou zot-la, e ki finn resisite pou zot.

2 Ko 5:15 ပူးပေါင်းရင်းမြစ်များ

Lk 1:74

pou liber nou depi lame nou lennmi, pouki nou servi li san freyer,

Zn 5:24

Vremem laverite mo dir zot, dimoun ki tann mo parol e krwar dan Sa-Enn ki finn avoy mwa la, li posed lavi eternel; li pa pou kondane me li finn pas par lamor pou gagn lavi.

Zn 6:57

Parey kouma mo Papa ki lasours lavi finn avoy mwa, e mwa mo viv par li, parey seki manz mwa, li osi pou viv par mwa.

Let pou Romin 12:1

Alor, mo bann frer, mo bann ser, par konpasion ki Bondie ena pou nou, mo exort zot ofer zotmem kouma bann sakrifis vivan, sin e agreab, konsakre pou servi Bondie; sa vre adorasion ki zot ofer.

Let pou Romin 4:25

Li ti finn livre dan lame lamor pou nou bann pese, e li finn releve pou rann nou zis devan Bondie.

Let pou Romin 6:2

Pena sime! Pou seki konsern pese, nou finn mor, li pena pouvwar lor nou; kouma nou kapav kontign viv ladan?

Let pou Romin 6:6

Nou kone ki nou vie natir finn krisifie ansam ar li, pouki sa lekor pese la perdi tou so pouvwar, e ki nou nepli pou esklav pese.

Let pou Romin 8:10

Me si Lekris dan zot, mem si li vre ki zot lekor li mor akoz pese, zot lespri li vivan parski finn fer zot vinn drwat devan Bondie.

Let pou Romin 8:2

Anefe, lalwa Lespri Sin ki donn lavi par Zezi Kris finn liber twa depi lalwa pese ek lamor.

Let pou Romin 8:6

Si natir imin ki pe kontrole, sa li amenn lamor; me si Lespri ki dirize, sa li donn lavi ek lape.

1 Ko 10:33

Koumsamem mo viv pou fer plezir tou dimoun; olie mo rod mo prop lintere, mo rod lintere tou dimoun pouki zot kapav sap dan pese.

2 Ko 12:10

Akoz sa, pou Lekris, mo satisfe avek febles, insilt, detres, persekision ek langwas. Kan mo feb, lerlamem ki mo for.

2 Ko 3:6

Limem ki fer nou vinn enn minis konpetan pou servi nouvo lalians, ki pa depann lor lalwa ekri me lor Lespri. Lalwa amenn lamor, me Lespri donn lavi.

2 Ko 5:16

Alor depi aster nou nepli konsider okenn dimoun dapre manier imin. Mem si avan nou ti konsider Lekris dan enn manier imin, nou pa get li koumsa asterla.

Ga 5:25

Si nou viv dapre Lespri, anou osi mars dapre Lespri.

Ef 4:17

Dan nom Lesegner, mo averti zot: zot bizin aret viv kouma bann non-krwayan viv; bannla zot panse pena okenn valer,

Ef 5:14

e seki vizib, li lalimier. Akoz sa ena enn koze ki dir, “Twa ki dan somey, lev twa, twa ki dan lamor, lev twa, e Lekris pou briy lor twa.”

Let pou Kolosien 2:12

Zot finn plonze ar li dan batem, ar li zot finn resisite parski zot finn krwar dan lafors Bondie ki finn resisit li depi bann mor.

Let pou Kolosien 3:1

Zot finn resisite avek Lekris, rod seki lao, la kot Lekris ete, dan kote drwat Bondie;

Let pou Kolosien 3:17

Tou seki zot kapav dir ou fer, fer li dan nom Segner Zezi, e par li, rann gras Bondie Papa.

Let pou Kolosien 3:23

Ninport ki travay zot pe fer, fer li debonker, kouma dir pou Lesegner e non pou bann imin.

1 Tes 5:10

ki finn mor pou nou, pou ki nou kapav viv ini avek li mem si nou eveye ou pe dormi.

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

1 Pi 4:6

Akoz samem nou pres Bonn Nouvel ar bann mor, parski mem si zot finn zize dan zot lekor parey kouma tou dimoun, zot pou kapav viv dapre lansegnman Bondie dan zot lespri.

1 Zn 4:9

Ala kouma Bondie finn montre so lamour pou nou: Li finn avoy so sel garson dan lemonn pouki nou gagn vre lavi par li.

Revelasion 1:18

momem lasours lavi, mo ti finn mor, asterla gete, mo vivan pou leternite; e mo ena pouvwar lor lamor e mo posed lakle laport Ades.