2 Ko 4:4 - Nouvo Testaman dan Kreol Morisien

⁴ Zot pa krwar parski bondie lemal dan sa lemonn la finn fer zot lespri aveg pouki zot pa trouv lalimier Bonn Nouvel ki revel laglwar Lekris, ki montre nou kouma Bondie ete exakteman.

Nouvo Testaman Kreol Morisien Harmonisation NTPS KM

⁴ Zot pa krwar parski bondie lemal dan sa lemond-la finn fer zot lespri aveg pou ki zot pa trouv lalimier Bonn Nouvel ki revel laglwar Lekris, ki montre nou kouma Bondie ete exakteman.

2 Ko 4:4 ပူးပေါင်းရင်းမြစ်များ

Mt 13:22

Saki finn seme dan pikan, li resanble sa dimoun ki tann laparol, me bann problem lavi tou lezour, lamour dibien materyel touf tou e li pa raport okenn fri.

Zn 1:14

Laparol finn vinn enn imin e li finn abit kot nou. Li ti ranpli ar lamour ek laverite. Nou finn kontanple so laglwar, laglwar sel Garson Bondie Papa.

Zn 1:18

Zame personn finn trouv Bondie apar so sel Garson. Li ti enn sel ar so Papa. Limem finn fer nou konn Bondie.

Zn 12:31

Asterla mo pou ziz lemonn e so gran sef pou deor.

Zn 12:35

Zezi dir zot, “Lalimier pou res ankor inpe letan avek zot; kontigne marse kan lalimier ankor ar zot, pouki zot pa tom dan marenwar; parski dimoun ki mars dan nwar, pa kone kot li pe ale.

Zn 12:40

“Bondie finn rann zot lizie aveg, zot leker dir kouma ros, pouki zot pa trouv kler avek zot lizie, pa konpran avek zot leker, lerla zot pa pou konverti e zot pa pou gagn zot gerizon.”

Zn 12:45

Dimoun ki trouv mwa, trouv Sa-Enn ki finn avoy mwa la.

Zn 14:30

Mo nepli pou dir zot tousala; sef demon ki diriz lemonn pe vini e li pa kapav fer mwa nanye.

Zn 15:24

Si mo pa ti fer pou zot, travay ki personn pa kapav fer, zot ti pou ena bon exkiz pou zot bann pese; me asterla zot finn trouve e zot kontigne air mwa ek mo Papa.

Zn 16:11

Ki ete zizman? Sef lemonn inn fini zize.

Zn 8:12

Zezi ti pe koz ar zot ankor, li dir “Momem lalimier dan lemonn; seki swiv mwa pa pou mars dan teneb me li pou gagn lalimier ki donn lavi.”

Zistwar Bann Zapot 26:18

pou ouver zot lizie, tir zot dan teneb pou met zot dan lalimier; pou sorti dan pouvwar Satan pou al ver Bondie, pouki zot gagn pardon zot bann pese ek gagn zot plas parmi lepep Bondie ki sanktifie par lafwa dan mwa.’

Zistwar Bann Zapot 26:23

ki Lekris bizin soufer, ek parski limem premie pou resisite apre lamor, li pou proklam lalimier pou bann Zwif ek bann non-Zwif osi.”

1 Ko 10:20

Non, me mo dir ki bannla pe ofer sakrifis ar demon, pa ar Bondie. Mo pa oule ki zot ena kominion avek bann demon.

2 Ko 2:11

Nou fer sa pouki Satan pa may nou dan lak. Nou kone ki li pe maniganse.

2 Ko 2:12

Letan mo ti vinn Troas pou anons Bonn Nouvel Lekris mo ti dekouver ki Lesegner ti ouver enn laport pou mwa

2 Ko 3:11

Si finn ena laglwar dan seki existe zis pou enn letan, konbien plis laglwar pou ena dan seki existe pou touzour!

2 Ko 3:14

Me zot intelizans ti pe al dan tegn. Mem azordi letan zot lir Ansien Testaman sa vwal la reste, parski selma par Lekris ki vwal la tonbe.

2 Ko 3:18

Nou tou, ki nepli ena vwal lor nou figir nou reflet laglwar Lesegner. Lespri pe transform nou pouki nou resanble Lesegner, avek enn laglwar ki kontign ogmante plis ankor. Sa, li vinn depi Lespri Lesegner.

2 Ko 4:6

Bondie ki ti dir, “Omilie lobskirite lalimier pou briye,” limem ki fer so lalimier briye dan nou leker pou donn nou konesans laglwar Bondie ki reyonn lor figir Lekris.

Ga 1:4

Zezi Kris, finn donn limem pou nou pese e li finn delivre nou dan sa lemonn move la dapre volonte Bondie nou Papa.

Ef 2:2

Lontan zot ti pe viv sa lavi la; sa lepok la zot ti pe swiv bondie sa lemonn la, sa prins ki ant lesiel ek later, sa lespri ki pe azir aster parmi bann ki opoz Bondie.

Ef 6:12

Nou pa pe lit kont pwisans imin me kont bann dirizan, bann lotorite, bann pouvwar ki dominn sa lemonn teneb la, kont pwisans spiritiel lemal lao dan lesiel.

Let pou Filipien 2:6

Zezi, mem si li toultan ti ena natir Bondie, li pa finn anvi vinn egal ar Bondie.

Let pou Kolosien 1:15

Li rann vizib Bondie ki invizib, Premie-ne parmi tou bann kreatir,

Let pou Kolosien 1:27

Li finn anvi fer zot konn rises ek laglwar sa mister la parmi bann pep: Lekris parmi zot, lesperans laglwar!

1 Tim 1:11

Mo tir sa lansegnman la dan grander Bonn Nouvel ki Bondie Beni, finn konfie mwa.

Let pou Tit 2:13

Nou pe atann dan lesperans sa gran zour la kot laglwar Bondie nou Sover dan Zezi Kris pou manifeste li.

Eb 1:3

Li reflet laglwar Bondie e li reprezant exakteman natir Bondie ki siport liniver par pwisans so parol. Apre ki li finn pirifie pese tou bann imin, li finn asiz dan kote drwat Bondie ki nou sel gran Segner dan lesiel.

Eb 6:4

Li inposib pou retablir dimoun ki finn deza resevwar lalimier, ki finn gout bann don lesiel, ki finn vinn partner avek Lespri Sin,

2 Pi 1:19

Alor nou kapav ena plis konfians dan mesaz sorti kot bann profet. Li dan zot lavantaz pou fer bien atansion parski li parey enn lalanp ki briye dan marenwar ziska lizour kan zetwal gramatin leve pou ekler zot leker.

1 Zn 2:11

Me dimoun ki air so frer e so ser, li dan teneb, li mars dan teneb, e li pa kone kot li pe ale, parski teneb finn fer li vinn aveg.

1 Zn 2:8

Ankor enn fwa, mo pe ekrir zot enn nouvo komannman ki trouv so laverite dan Lekris ek dan zot osi. Vremem, teneb pe disparet e vre lalimier pe briye.

1 Zn 5:19

Nou kone ki nou zanfan Bondie, e lemonn antie li dan pouvwar Lemal.