2 Ko 3:5 - Nouvo Testaman dan Kreol Morisien

⁵ Pa nou ki ena konpetans pou fer sa travay la, Bondie ki donn nou kapasite.

Nouvo Testaman Kreol Morisien Harmonisation NTPS KM

⁵ Pa nou ki ena konpetans pou fer sa travay-la, Bondie ki donn nou kapasite.

2 Ko 3:5 ပူးပေါင်းရင်းမြစ်များ

Lk 21:15

Parski mo pou donn zot bann parol e enn sazes ki okenn adverser pa pou kapav reponn ek kontredir.

Lk 24:49

Asterla mo avoy lor zot seki mo Papa finn promet. Res Zerizalem ziska ki zot resevwar pwisans ki sorti lao.”

Zn 15:5

Mwa, mo pie rezin e zot, zot bann brans. Dimoun ki res ar mwa e mwa ar zot, zot pou raport enn kantite fri parski san mwa zot pa kapav fer nanye.

Let pou Romin 15:18

Mo oze koze selman lor seki Lekris finn fer atraver mwa pou amenn bann non-Zwif pou obeir Bondie. Li ti fer sa par parol ek aksion,

1 Ko 15:10

Me par lagras Bondie mo finn vinn seki mo ete. Sa lagras ki li finn akord mwa la, li pa dan vid. Okontrer, mo finn travay plis ki tou lezot apot; non, pa mwa, me lagras Bondie ki avek mwa.

1 Ko 3:10

Dapre lagras ki Bondie finn donn mwa, mo finn poz enn fondasion kouma enn arsitek intelizan, me enn lot pe konstrir lor la. Sakenn bizin fer bien atansion manier ki li pe konstrir.

1 Ko 3:6

Mwa mo finn plant lagrin, Apolos finn aroze, me Bondie ki finn fer pouse.

2 Ko 12:9

Li finn dir mwa, “Mo lagras sifizan pou twa, mo pwisans pou manifeste dan to febles.” Alor mo ere pou vant mo febles, pouki pwisans Lekris repoz lor mwa.

2 Ko 2:16

Pou sertin li enn loder lamor akoz zot pe mor, pou lezot ki pe viv li enn parfin lavi.

2 Ko 4:7

Sa trezor spiritiel la nou pe sarye li dan nou, ki kouma bann po later. Koumsa li kler ki sa pwisans extraordiner la li sorti kot Bondie, pa nou ki ena sa.

Let pou Filipien 2:13

parski Bondie pe fer so travay dan zot, li inspir zot pou fer zot ena volonte pou realiz tou dapre so bon plan.

Let pou Filipien 4:13

Mo kapav fer fas avek tou sa bann sitiasion la parski Lekris li fortifie mwa.

2 Tim 2:2

To finn temwin mo lansegnman. Mo oule asterla ki to transmet tousala bann dimoun sir ki pou kapav ansegn lezot.

Let Zak 1:17

Tou don parfe ek tou bon kado sorti depi lao kot Bondie, Kreater lalimier. E Bondie pa sanze, li pa kre lonbraz parski li sanz pozision.