2 Ko 2:3 - Nouvo Testaman dan Kreol Morisien

³ Ala kifer mo finn ekrir zot sa manier la, koumsa kan mo vini mo pa pou sibir tristes par dimoun ki ti bizin donn mwa lazwa. Mo ena lasirans ki si mo dan lazwa, zot tou pou dan lazwa.

Nouvo Testaman Kreol Morisien Harmonisation NTPS KM

³ Ala kifer mo finn ekrir zot sa manier-la, koumsa kan mo vini mo pa pou sibir tristes par dimounn ki ti bizin donn mwa lazwa. Mo ena lasirans ki si mo dan lazwa, zot tou pou dan lazwa.

2 Ko 2:3 ပူးပေါင်းရင်းမြစ်များ

1 Ko 4:21

Ki zot prefere? Ki mo vinn kot zot ar rotin, oubien avek enn leker ranpli ar lamour ek douser?

2 Ko 1:15

Mo ti telman sir lor sa size la, ki mo ti finn fer plan pou vizit zot pouki zot gagn doub benediksion.

2 Ko 1:23

Mo pran Bondie kouma temwin, mo finn refiz retourn Korint pou pa donn zot tro boukou traka.

2 Ko 12:11

Mo azir kouma enn fou! Zotmem ki fors mwa vinn koumsa. Ofet, zot ki ti bizin defann mwa, parski mem si mo enn nanye ditou, mo pa inferyer ar zot bann siper-apot.

2 Ko 12:21

Mo per ki pandan sa prosin vizit la, Bondie imilie mwa dan zot prezans, e ki mo pou plore lor boukou parmi zot ki pe kontigne dan vie pese lontan; zot pankor repanti zot inpirte, imoralite ek debos ki zot ti pratike.

2 Ko 13:10

Akoz sa mo ekrir tousala kouma mo lwin ar zot, pouki letan mo vini mo pa bizin pran bann aksion sever par lotorite ki Lesegner finn donn mwa pou edifie, e non pou detrir.

2 Ko 2:9

Mo finn ekrir zot sa let la pou teste si pa zot toultan pare pou obeir mo bann instriksion.

2 Ko 7:12

Si mo finn ekrir zot, li pa akoz sa dimoun ki finn fer ditor la, ni akoz dimoun ki finn sibir lofans la. Me pouki zot rann zot kont devouman ki zot ena pou nou devan Bondie.

2 Ko 7:16

Mo dan lazwa parski mo kapav kont lor zot dan tou kiksoz.

2 Ko 7:6

Me Bondie ki konsol bann ki abat, ti konsol nou par vizit Tit,

2 Ko 7:8

Mem si mo finn rann zot tris par let ki mo finn ekrir, mo pa regrete ki mo finn ekrir li. Ofet, wi, mo ti regrete letan mo ti rann mwa kont ki sa ti finn fer zot tris, pou enn letan.

2 Ko 8:22

Alor nou pe avoy nou frer ar lezot delege. Souvan nou finn gagn lokazion teste li, e li finn toultan montre li ranpli ar zel, sirtou asterla parski li ena enn gran konfians dan zot.

Ga 5:10

Mo ena konfians dan Bondie ki zot pa pou pran enn lot direksion. Ninport kisannla ki pe met dezord parmi zot, li pou gagn so pinision.

2 Tes 3:4

Nou fer zot konfians dan Lesegner; nou kone ki zot pe fer seki bien e ki zot pou kontigne fer bann kitsoz ki nou dir zot fer.

Let pou Filemon 1:21

Mo sir ki letan mo pe ekrir twa to pou fer seki mo pou demann twa, e to pou fer plis ankor.