2 Ko 13:11 - Nouvo Testaman dan Kreol Morisien

¹¹ Finalman, bann frer ek bann ser, viv dan lazwa, fer zefor pou vinn parfe, ankouraz zot kamarad, res dakor ant zot, viv dan lape, e Bondie ki lamour ek lape pou avek zot.

Nouvo Testaman Kreol Morisien Harmonisation NTPS KM

¹¹ Finalman, bann frer ek bann ser, viv dan lazwa, fer zefor pou vinn parfe, ankouraz zot kamarad, res dakor ant zot, viv dan lape, e Bondie ki lamour ek lape pou avek zot.

2 Ko 13:11 ပူးပေါင်းရင်းမြစ်များ

Mt 1:23

“Enn zennfi pou ansint, li pou donn nesans enn garson. Li pou apel Emaniel,” ki vedir, ‘Bondie avek nou.’

Mt 5:48

Zot bizin parfe parey kouma zot Papa ki dan lesiel li parfe.”

Mk 10:49

Zezi arete, li dir “Apel li.” Zot apel aveg la, zot dir li, “Kouraz, dibout, li pe apel twa.”

Mk 9:50

Disel enn bon zafer, sa, selman si disel finn perdi so gou, ki ou pou servi pou asezone? Met disel dan zot lavi, viv dan lape avek tou dimoun.”

Lk 9:61

Enn lot dir li, “Mo pou swiv twa, Segner, me les mo al dir orevwar mo fami avan.”

Zn 17:23

Mwa dan zot, twa dan mwa pouki zot vinn enn sel. Lerla lemonn pou kone ki to finn avoy mwa, ki mo kontan zot kouma to kontan mwa.

Zistwar Bann Zapot 15:29

Pa manz seki finn ofer bann idol, ni disan; napa manz zanimo ki finn trangle; e prezerv zot kont pratik imoral. Zot pou bien fer si zot evit tou sa la. Orevwar.”

Zistwar Bann Zapot 18:21

me kan ti vinn moman pou dir orevwar, li dir zot, “Mo pou retourne si li dan volonte Bondie.” Lerla li pran bato li al Efez.

Zistwar Bann Zapot 23:30

Letan mo finn aprann ki ena enn konplo kont li, mo finn toutswit avoy li ar twa. Mo finn donn lord bann ki pe akiz li pou prezant zot devan twa ar sarz ki zot ena kont li.”

Let pou Romin 12:16

Viv dan lakorite ant zotmem. Fode pa ena lorgey, me aksepte servi dan enn manier modes. Pa ena enn tro gran lopinion lor zotmem.

Let pou Romin 12:18

Otan ki posib viv dan lape ar tou dimoun.

Let pou Romin 14:19

Anou rod seki amenn lape e permet nou progres ansam dan lafwa.

Let pou Romin 15:13

Ki Bondie, lasours lesperans, ranpli zot ar lazwa ek lape par lafwa ki zot ena dan li, pouki zot lesperans deborde par pwisans Lespri Sin.

Let pou Romin 15:33

Mo priye ki Bondie ki vre sours lape pou avek zot. Amen.

Let pou Romin 16:20

Biento Bondie lape pou kraz Satan anba zot lipie. Ki lagras Lesegner Zezi res avek zot.

1 Ko 1:10

Dan nom nou Segner Zezi Kris, mo fer enn lapel pouki zot tou res dakor ant zot, pouki pena okenn divizion parmi zot e ki zot bien ini dan enn sel panse ek enn sel konviksion.

2 Ko 1:4

Li rekonfort nou dan nou detres pouki nou kapav rekonfort lezot ki pas par tou kalite problem, avek rekonfor ki limem li finn donn nou.

2 Ko 13:9

Nou dan lazwa kan nou, nou feb, me zot, zot for. Dan nou lapriyer, nou demann ki zot vinn parfe.

Ef 4:12

pouki bann krwayan ena kapasite akonplir zot minister, pou grandi lekor Lekris.

Ef 4:3

Fer zefor pou gard linite Lespri par lape ki tini zot ansam.

Ef 6:23

Ki Bondie Papa ek Lesegner Zezi Kris akord lape ek lamour, ar lafwa, tou bann frer, tou bann ser.

Let pou Filipien 1:27

Me selman, amenn zot lavi dapre Bonn Nouvel Lekris. Mem si mo vinn get zot ou pa, mo espere tande ki zot pe tini ferm dan enn sel lespri pou lit ansam pou fer lafwa avanse dapre Bonn Nouvel.

Let pou Filipien 3:16

Me kot nou finn arive, anou kontigne tini ferm dan mem direksion.

Let pou Filipien 4:2

Mo inplor Evodi ek Sintik pou viv anakorite dan Lesegner.

Let pou Filipien 4:4

Rezwir zot toultan dan Lesegner. Mo repete; rezwir zot.

Let pou Filipien 4:9

Kontigne fer tou seki zot finn aprann ek resevwar ar mwa, seki zot finn tande e trouv mwa fer. Bondie lape pou res avek zot.

1 Tes 3:10

Lanwit-lizour, nou pe priye Bondie pouki nou kapav trouv zot fas a fas e azout seki manke dan zot lafwa.

1 Tes 4:1

Finalman frer ek ser, zot finn aprann avek nou kouma zot bizin konport zot pou fer plezir Bondie, e zot pe deza fer li. Asterla nou dimann zot e nou sipliy zot lor nom Segner Zezi, pou fer plis ankor.

1 Tes 4:18

Akoz samem zot bizin ankouraz sakenn ant zot avek sa bann parol la.

1 Tes 5:13

Ena boukou estim pou zot akoz travay ki zot fer. Ki ena lape parmi zot.

1 Tes 5:16

Res touzour dan lazwa.

1 Tes 5:23

Ki Bondie lape rann zot sin limem dan tou fason, ki li gard ferm zot lespri, ek zot lekor san okenn repros letan Zezi Kris nou Segner pou retourne.

2 Tes 2:16

Ki nou Segner Zezi Kris limem ek Bondie nou Papa ki kontan nou e finn donn enn rekonfor eternel ek enn bon lesperans par so lagras,

2 Tes 3:1

Finalman, mo bann frer ek ser, priye pou nou pouki Parol Lesegner kapav propaze bien vit e ki li onore partou, parey kouma sa ete parmi nou.

2 Tes 3:16

Ki Segner, sours lape, li donn zot limem toultan lape e dan tou sort fason. Ki Bondie res ar zot tou.

2 Tim 2:22

Fer atansion bann piez kot zenes rantre san panse. Touzour viv drwat. Pratik lafwa, lasarite, lape avek bann dimoun sinser kan zot invok Lesegner.

Eb 12:14

Sey viv anpe avek tou dimoun, viv enn lavi sin, parski san sa, personn pa pou kapav trouv Lesegner.

Eb 13:20

Bondie, lasours lape, finn resisit nou Segner Zezi, gran Berze bann mouton, ki finn vers so disan ki garanti enn lalians eternel.

Let Zak 1:4

Zot landirans bizin kontigne mem pouki zot vinn parfe ek san okenn defo.

1 Pi 3:11

Zot bizin rezet lemal e fer dibien; Zot bizin lite anfaver lape ar tou lafors zot leker.

1 Pi 3:8

Finalman, zot tou, zot bizin ena mem lespri, mem konpasion ek mem santiman lamour ant zot. Ena enn bon leker e viv avek limilite.

1 Pi 5:10

Zot ena pou soufer ankor inpe letan. Bondie, ki lasours lagras, ki finn apel zot pou so laglwar eternel dan Zezi Kris, pou limem beni zot, donn zot lafors e ranz zot lexistans lor enn baz solid.

Revelasion 22:21

Lagras Segner Zezi res avek zot tou.