2 Ko 12:14 - Nouvo Testaman dan Kreol Morisien

¹⁴ Mo pare pou vinn vizit zot pou trwaziem fwa. Mo pa pou enn fardo lor zot, parski mo pa pe rod zot dibien, me zotmem. Pa bann zanfan ki ramas larzan pou zot paran, me paran ki pran swin zanfan.

Nouvo Testaman Kreol Morisien Harmonisation NTPS KM

¹⁴ Mo pare pou vinn vizit zot pou trwaziem fwa. Mo pa pou enn fardo lor zot, parski mo pa pe rod zot dibien, me zotmem. Pa bann zanfan ki ramas larzan pou zot paran, me paran ki pran swin zanfan.

2 Ko 12:14 ပူးပေါင်းရင်းမြစ်များ

Zistwar Bann Zapot 20:33

Mo pa finn ena okenn anvi pou: ni larzan, ni lor, ni linz personn.

1 Ko 10:24

Fode ki personn pa rod so prop lintere me lintere lezot.

1 Ko 10:33

Koumsamem mo viv pou fer plezir tou dimoun; olie mo rod mo prop lintere, mo rod lintere tou dimoun pouki zot kapav sap dan pese.

1 Ko 11:34

Si kikenn gagn fin, preferab li manze so lakaz, koumsa kan zot vinn ansam pena kondanasion. Pou bann lezot zafer, mo va okip sa kan mo vinn kot zot.

1 Ko 16:5

Mo pou vizit zot letan mo fini pas Masedwann; mo oblize al Masedwann.

1 Ko 4:19

Me si Lesegner permet mwa, mo pou vinn kot zot biento. Lerla mo pou pran konesans, pa selma seki bann arogan la pe dir, me mo pou gete ki zot kapav fer.

1 Ko 9:12

Si lezot kapav gagn zot soutien, eski nou, nou pa merit li plis ankor? Me nou pa finn servi sa drwa la. Okontrer nou finn siport tou pouki pena okenn obstak ki blok Bonn Nouvel Lekris.

1 Ko 9:18

Alor, ki mo rekonpans? Satisfaksion ki mo gagne pou anons gratwitman Bonn Nouvel san ki mo profit drwa ki sa Bonn Nouvel la donn mwa.

1 Ko 9:19

Mo enn dimoun lib, e mo pa esklav personn; pourtan mo fer mwa esklav tou dimoun pouki mo kapav gagn pli boukou fidel posib.

2 Ko 1:15

Mo ti telman sir lor sa size la, ki mo ti finn fer plan pou vizit zot pouki zot gagn doub benediksion.

2 Ko 11:9

Pandan ki mo ti kot zot e mo ti mank kiksoz, mo pa ti vinn enn fardo pou zot, parski bann frer e bann ser ki sorti Masedwann ti donn mwa tou saki mo ti bizin. Mo finn fer ansort ki mo pa enn fardo pou zot, e mo pou kontign koumsa dan lavenir.

2 Ko 12:13

Kimanier zot pa finn gagn seki lezot legliz finn gagne? Akoz mo finn refiz explwat zot? Si koumsa, pardonn mwa sa erer la!

Ga 4:19

Mo bann zanfan, mo pe soufer ankor pou zot kouma enn fam ansint ki pre pou donn nesans enn baba, ziska ki Kris pran form dan zot.

Let pou Filipien 4:1

Mo bann frer e ser, mo bien kontan zot, e mo pe atann zot avek inpasians. Zotmem mo lazwa; res fidel dan zot lavi avek Bondie.

Let pou Filipien 4:17

Mo pa zis anvi rod enn donasion ki pou mo prop benefis.

1 Tes 2:11

Kouma zot kone, nou finn tret sakenn parmi zot kouma enn papa tret so bann zanfan.

1 Tes 2:8

Nou lafeksion pou zot li telman gran ki nou ti pare pou partaz avek zot, pa zis Bonn Nouvel Bondie me osi nou prop lavi, telman zot ti finn vinn pros ar nou.