2 Ko 12:11 - Nouvo Testaman dan Kreol Morisien

¹¹ Mo azir kouma enn fou! Zotmem ki fors mwa vinn koumsa. Ofet, zot ki ti bizin defann mwa, parski mem si mo enn nanye ditou, mo pa inferyer ar zot bann siper-apot.

Nouvo Testaman Kreol Morisien Harmonisation NTPS KM

¹¹ Mo azir kouma enn fou! Zotmem ki fors mwa vinn koumsa. Ofet, zot ki ti bizin defann mwa, parski mem si mo enn nanye ditou, mo pa inferyer ar zot bann siper-zapot.

2 Ko 12:11 ပူးပေါင်းရင်းမြစ်များ

Lk 17:10

Zot osi parey. Letan zot fini fer seki finn komann zot, dir, ‘Nou bann sinp serviter, nou nek finn fer seki ti bizin fer.’ ”

1 Ko 13:2

Si mo ena don profetize, mo posed kapasite plonz dan tou mister ek konesans, e si mo ena lafwa pou bouz montagn, me mo pena lamour, mo enn nanye ditou.

1 Ko 3:22

Ki li Pol, oubien Apolos, oubien Kefas, ki li lemonn ou lavi ou lamor, prezan ou lavenir, tou kiksoz li pou zot.

2 Ko 1:6

Si nou dan soufrans, li pou zot, pouki zot gagn rekonfor ek delivrans; si nou trouv rekonfor, li pou zot, pouki zot resevwar konsolasion letan zot siport avek pasians bann mem soufrans ki nou pe viv.

2 Ko 11:1

Mo ti pou souete ki zot kapav siport mo ti fouka. Fer sa pou mwa!

2 Ko 11:5

Mo panse ki mo pa inferyer dan okenn fason ar zot “siper-apot.”

2 Ko 12:12

Bann sign ki prouve ki mo enn apot, finn realize parmi zot, avek enn pasians parfe: bann mirak, bann mervey e bann aksion pwisan.

2 Ko 12:6

Si mo anvi fer mo vantar, mo pa ti pou enn fou, parski mo ti pou dir laverite. Me mo evit tousala pouki personn pa gagn enn lopinion siperyer lor mwa dapre seki li trouv mwa fer ou tann mwa dir.

2 Ko 3:1

Eski ankor enn fwa nou pe flat noumem? Oubien eski nou bizin, kouma sertin lezot dimoun, enn let rekomandasion pou donn zot, oubien pran ar zot?

2 Ko 5:13

Si nou latet pa bon, pou Bondie ki nou koumsa; si nou lespri bien korek, li pou zot ki nou koumsa.

Ga 6:3

parski si kikenn panse ki li enn gran dimoun alor ki li nanye ditou, li pe anbet limem.

Ef 3:8

Parmi tou bann krwayan momem dernie parmi bann dernie. Malgre sa Bondie finn fer mwa enn gran faver: pou al anons bann non-Zwif larises infini ki Lekris ena,