2 Ko 11:12 - Nouvo Testaman dan Kreol Morisien

¹² Mo pou kontign fer seki mo pe fer pou anpes lezot “apot” gagn enn pretex pou deklare ki zot parey kouma nou.

Nouvo Testaman Kreol Morisien Harmonisation NTPS KM

¹² Mo pou kontign fer seki mo pe fer pou anpes lezot “zapot” gagn enn pretex pou deklare ki zot parey kouma nou.

2 Ko 11:12 ပူးပေါင်းရင်းမြစ်များ

Mt 26:16

Depi sa moman la, Zida ti pe rod enn bon lokazion pou livre zot Zezi.

1 Ko 5:6

Li pa korek ki zot fier. Zot bien kone ki enn tigit levin fer lapat antie gonfle.

1 Ko 9:12

Si lezot kapav gagn zot soutien, eski nou, nou pa merit li plis ankor? Me nou pa finn servi sa drwa la. Okontrer nou finn siport tou pouki pena okenn obstak ki blok Bonn Nouvel Lekris.

2 Ko 1:17

Eski mo finn pran sa desizion la san reflesi? Kan mo fer plan, eski li par motivasion egois? Eski mo balans ant “Wi” ek “Non” anmemtan?

2 Ko 10:17

“Si kikenn anvi vremem fer vantar, ki li montre laglwar Bondie.”

2 Ko 11:18

Me parski ena boukou lezot dimoun pe fer fezer lor zot kalite pou bann rezon imin, mwa osi mo fer parey.

2 Ko 11:9

Pandan ki mo ti kot zot e mo ti mank kiksoz, mo pa ti vinn enn fardo pou zot, parski bann frer e bann ser ki sorti Masedwann ti donn mwa tou saki mo ti bizin. Mo finn fer ansort ki mo pa enn fardo pou zot, e mo pou kontign koumsa dan lavenir.

2 Ko 5:12

Nou pa pe rekomann noumem ar zot ankor enn fwa. Nou zis anvi donn zot lokazion santi enn fierte pou nou, pouki zot ena enn repons pou donn bann ki met plis linportans lor laparans deor ki lor seki ena dan leker.

Ga 1:7

Sa pa vedir ki ena enn lot Bonn Nouvel, me plito ena sertin dimoun ki pe trouble zot ek anvi sanz Bonn Nouvel Zezi Kris.

1 Tim 5:14

Preferab zot remarye, gagn zanfan e okip zot lakaz pouki bann adverser pa koz nou koze.