1 Zn 4:9 - Nouvo Testaman dan Kreol Morisien

⁹ Ala kouma Bondie finn montre so lamour pou nou: Li finn avoy so sel garson dan lemonn pouki nou gagn vre lavi par li.

Nouvo Testaman Kreol Morisien Harmonisation NTPS KM

⁹ Ala kouma Bondie finn montre so lamour pou nou: Li finn avoy so sel garson dan lemond pou ki nou gagn vre lavi par li.

1 Zn 4:9 ပူးပေါင်းရင်းမြစ်များ

Mk 12:6

Ti res zis so garson ki li ti bien kontan; andernie li desid avoy li parski li ti pe dir, ‘Bannla pou respekte mo garson.’

Lk 4:18

“Lespri Lesegner lor mwa, parski Li finn konsakre mwa par lonksion pou anons bann pov Bonn Nouvel. Li finn avoy mwa proklam delivrans bann seki an kaptivite, pouki bann aveg trouv kler, pouki bann oprime retrouv zot liberte,

Zn 10:10

Voler vini zis pou kokin, touye ek detrir; mwa, mo finn vini pou zot gagn lavi, e pouki zot gagn li anabondans.

Zn 14:6

Zezi dir li, “Momem sime, laverite, lavi; personn pa kapav al kot mo Papa si li pa pas par mwa.

Zn 3:16

Bondie finn telman kontan lemonn, ki li finn donn so Sel Garson pouki tou dimoun ki krwar dan Li, pa mor me gagn lavi eternel.

Zn 3:18

Dimoun ki krwar dan li, pa pou kondane me dimoun ki pa krwar, inn fini kondane parski li pa krwar dan Sel Garson Bondie.

Zn 5:23

pouki tou dimoun onor so Garson, parey kouma zot onor Papa la. Dimoun ki pa onor Garson la, pa onor so Papa kinn avoy Li.

Zn 6:29

Zezi reponn zot, “Fer travay Bondie, se krwar dan Sa-Enn ki li finn avoye la.”

Zn 6:51

Momem dipin vivan ki finn desann depi lesiel; si kikenn manz sa dipin la, li pou viv toultan; dipin ki mo done, se mo prop lekor pouki lemonn antie gagn lavi.”

Zn 6:57

Parey kouma mo Papa ki lasours lavi finn avoy mwa, e mwa mo viv par li, parey seki manz mwa, li osi pou viv par mwa.

Zn 8:29

Sa-Enn ki finn avoy mwa la, li avek mwa, li pa les mwa tou sel, parski mo azir dapre tou seki fer li plezir.”

Zn 8:42

Zezi dir zot, “Si Bondie ti vremem zot Papa, zot ti pou kontan mwa, parski mwa, mo sorti kot Bondie. Mo pa inn vinn par mo prop lotorite me par lotorite Sa-Enn ki finn avoy mwa la.

Zn 9:3

Zezi reponn, “Pa akoz so pese, ni akoz pese so fami me li aveg pouki dimoun trouv travay Bondie dan li.”

Let pou Romin 8:32

Li pa finn epargn so prop Garson, me finn livre li pou nou; si li pe donn nou so prop garson, eski li pa pou donn nou tou seki bizin par so lagras?

Eb 1:5

Ofet, avek ki anz Bondie finn deza dir, “Tomem mo Garson; azordi mo finn vinn to Papa”? Oubien, ar ki anz li finn dir, “Mo pou vinn enn Papa pou li, e li pou vinn enn Garson pou mwa”?

1 Zn 3:16

Ala kouma nou kone ki vedir lamour: Zezi Kris finn donn so lavi pou nou. Nou osi nou bizin donn nou lavi pou nou bann frer ek ser.

1 Zn 4:10

Ala ki vedir lamour: pa nou ki finn kontan Bondie me Bondie ki finn kontan nou e li finn avoy so garson sakrifie limem pou nou pese.

1 Zn 4:16

Nou kone e nou krwar ki Bondie kontan nou. Bondie limem lamour. Tou dimoun ki viv dan lamour, li res ini ar Bondie e Bondie viv dan li.

1 Zn 5:11

Ala temwagnaz la: Bondie finn donn nou lavi eternel, e sa lavi la li trouv dan so Garson.

1 Zn 5:13

Zot ki krwar dan nom Garson Bondie, mo pe ekrir tousala pou fer zot kone ki zot ena lavi eternel.