1 Zn 4:8 - Nouvo Testaman dan Kreol Morisien

⁸ Bondie limem lamour, dimoun ki pa kontan so kamarad, li pa konn Bondie.

Nouvo Testaman Kreol Morisien Harmonisation NTPS KM

⁸ Bondie limem lamour, dimounn ki pa kontan so kamarad, li pa konn Bondie.

1 Zn 4:8 ပူးပေါင်းရင်းမြစ်များ

2 Ko 13:11

Finalman, bann frer ek bann ser, viv dan lazwa, fer zefor pou vinn parfe, ankouraz zot kamarad, res dakor ant zot, viv dan lape, e Bondie ki lamour ek lape pou avek zot.

Ef 2:4

Me akoz Bondie ena boukou-boukou konpasion, e li ena enn gran lamour pou nou,

Eb 12:29

parski, ofet nou Bondie, li enn dife ki devor tou.

1 Zn 1:5

Samem mesaz ki nou finn tande sorti kot li, ki finn anons zot ki Bondie li lalimier, dan li pena okenn teneb.

1 Zn 2:4

Dimoun ki dir, “Mo konn li,” me pa gard so komannman, li enn manter e pena laverite dan li.

1 Zn 2:9

Dimoun ki dir, “Mo dan lalimier,” apre li air so frer ek so ser, li ankor dan teneb.

1 Zn 3:10

Ala kouma nou rekonet enn zanfan Bondie ek zanfan diab: seki pa pratik lazistis, li pa sorti kot Bondie, parey kouma seki pa kontan so frer e so ser.

1 Zn 3:6

Seki viv ini avek Kris, pa kontign fer pese; seki fer pese, pa finn trouv li, ni finn konn li.

1 Zn 4:16

Nou kone e nou krwar ki Bondie kontan nou. Bondie limem lamour. Tou dimoun ki viv dan lamour, li res ini ar Bondie e Bondie viv dan li.

1 Zn 4:7

Mo bann frer ek ser bieneme, nou bizin kontan nou kamarad, parski lamour sorti kot Bondie. Dimoun ki kontan so kamarad, li sorti kot Bondie e li konn Bondie.