1 Zn 4:7 - Nouvo Testaman dan Kreol Morisien

⁷ Mo bann frer ek ser bieneme, nou bizin kontan nou kamarad, parski lamour sorti kot Bondie. Dimoun ki kontan so kamarad, li sorti kot Bondie e li konn Bondie.

Nouvo Testaman Kreol Morisien Harmonisation NTPS KM

⁷ Mo bann frer ek ser bieneme, nou bizin kontan nou kamarad, parski lamour sorti kot Bondie. Dimounn ki kontan so kamarad, li sorti kot Bondie e li konn Bondie.

1 Zn 4:7 ပူးပေါင်းရင်းမြစ်များ

Zn 13:34

Mo donn zot enn komannman nouvo: kontan zot kamarad, parey kouma mwa, mo kontan zot. Zot bizin kontan zot kamarad.

Zn 17:3

Ki ete lavi eternel? Se dekouver ki tomem vre Bondie e ki Zezi Kris, limem ki to finn avoye.

1 Ko 8:3

Me dimoun ki kontan Bondie, Bondie osi kontan li.

2 Ko 4:6

Bondie ki ti dir, “Omilie lobskirite lalimier pou briye,” limem ki fer so lalimier briye dan nou leker pou donn nou konesans laglwar Bondie ki reyonn lor figir Lekris.

Ga 4:9

Me asterla zot konn Bondie - ou plito asterla Bondie konn zot - kouma zot kapav retourn ankor anba sa bann lespri elemanter ki feb ek pov la? Zot anvi revinn zot esklav ankor?

Ga 5:22

Me bann fri ki Lespri li prodwir, li lamour, lazwa, lape, pasians, bonte, konpreansion, fidelite,

2 Tim 1:7

Lespri ranpli nou avek lafors, lamour ek kontrol lor noumem.

1 Pi 1:22

Aster ki zot finn pirifie zot lam par obeisans ki zot ena pou laverite, pratik enn lamour sinser. Kontan touzour zot kamarad ar enn leker kler.

1 Zn 2:10

Dimoun ki kontan so frer ek so ser, li pe viv dan lalimier, e pena nanye dan li ki kapav fer li ek lezot tom dan pese.

1 Zn 2:29

Si zot kone ki Lekris zis, alor zot osi rekonet ki tou dimoun ki fer seki zis, li enn zanfan Bondie.

1 Zn 2:3

Si nou gard so komannman, lerla nou sir ki nou konn li.

1 Zn 2:4

Dimoun ki dir, “Mo konn li,” me pa gard so komannman, li enn manter e pena laverite dan li.

1 Zn 2:7

Mo bann frer ek ser bieneme, mo pa pe ekrir zot enn nouvo komannman, me enn vie komannman ki zot ti deza resevwar depi komansman. Sa vie komannman la, limem parol ki zot finn deza tande.

1 Zn 3:9

Enn zanfan Bondie pa kapav kontign fer pese, parski pwisans Bondie ki met lavi dan li. Li pa kapav kontign fer pese parski li finn pran nesans kot Bondie.

1 Zn 4:11

Mo bann frer ek ser bieneme, si Bondie finn kontan nou sa kantite la, nou osi nou bizin kontan nou kamarad.

1 Zn 4:12

Personn pa finn zame trouv Bondie; si nou kontan nou kamarad, Bondie viv dan nou e so lamour pou vinn parfe dan nou leker.

1 Zn 4:16

Nou kone e nou krwar ki Bondie kontan nou. Bondie limem lamour. Tou dimoun ki viv dan lamour, li res ini ar Bondie e Bondie viv dan li.

1 Zn 4:20

Si kikenn dir, “Mo kontan Bondie”, apre li air so frer ek ser, li enn manter. Si li pa kontan so frer oubien so ser ki li trouve ar so lizie, li pa kapav kontan Bondie ki li pa trouve.

1 Zn 4:8

Bondie limem lamour, dimoun ki pa kontan so kamarad, li pa konn Bondie.

1 Zn 5:1

Tou dimoun ki krwar ki Zezi limem Lekris, li enn zanfan Bondie; e tou dimoun ki kontan enn papa li osi kontan zanfan papa la.

2 Zn 1:5

Asterla Madam, mo pa pe ekrir twa enn nouvo komannman, me samem komannman ki nou finn gagne depi komansman. Mo dimann twa ki: “Sakenn kontan so kamarad.”