1 Zn 4:10 - Nouvo Testaman dan Kreol Morisien

¹⁰ Ala ki vedir lamour: pa nou ki finn kontan Bondie me Bondie ki finn kontan nou e li finn avoy so garson sakrifie limem pou nou pese.

Nouvo Testaman Kreol Morisien Harmonisation NTPS KM

¹⁰ Ala ki vedir lamour: pa nou ki finn kontan Bondie me Bondie ki finn kontan nou e li finn avoy so garson sakrifie limem pou nou pese.

1 Zn 4:10 ပူးပေါင်းရင်းမြစ်များ

Zn 13:34

Mo donn zot enn komannman nouvo: kontan zot kamarad, parey kouma mwa, mo kontan zot. Zot bizin kontan zot kamarad.

Zn 15:16

Pa zot ki finn swazir mwa, me mwa ki finn swazir zot. Mo finn donn zot mision, ale, raport fri e ki zot fri dire. Lerla tou seki zot demann mo Papa lor mo nom, li pou donn zot.

Zn 3:16

Bondie finn telman kontan lemonn, ki li finn donn so Sel Garson pouki tou dimoun ki krwar dan Li, pa mor me gagn lavi eternel.

Zn 6:51

Momem dipin vivan ki finn desann depi lesiel; si kikenn manz sa dipin la, li pou viv toultan; dipin ki mo done, se mo prop lekor pouki lemonn antie gagn lavi.”

Eb 2:17

Pou sa rezon la, li bizin vinn parey kouma so bann frer e ser dan tou fason, pou li kapav vinn enn gran pret fidel ek ranpli ar mizerikord dan servis Bondie, e pouki bann pese dimoun pardone.

1 Pi 2:24

Dan so prop lekor li finn sarye nou pese lor lakrwa, pouki nou aret viv dan pese e viv enn fason ki korek. Par so bann blesir, nou finn geri.

1 Pi 3:18

Ofet, Zezi Kris limem li finn soufer pou pese tou dimoun; parey kouma enn inosan li finn mor pou bann koupab, pou li kapav amenn zot kot Bondie. Fizikman zot finn touy li, me li finn reviv spiritielman,

1 Zn 2:2

Li finn ofer limem kouma sakrifis pou nou pese, pa zis pou nou tousel me osi pou pese lemonn antie.

1 Zn 3:1

Zot trouve ki kantite Bondie Papa kontan nou. So lamour li telman gran pou nou ki li apel nou zanfan Bondie; e vremem, samem ki nou ete. Ala kifer lemonn pa konn nou, parski li pa finn konn Bondie.

1 Zn 4:19

Nou, nou kontan nou kamarad parski Bondie finn kontan nou anpremie.

1 Zn 5:11

Ala temwagnaz la: Bondie finn donn nou lavi eternel, e sa lavi la li trouv dan so Garson.