1 Zn 3:9 - Nouvo Testaman dan Kreol Morisien

⁹ Enn zanfan Bondie pa kapav kontign fer pese, parski pwisans Bondie ki met lavi dan li. Li pa kapav kontign fer pese parski li finn pran nesans kot Bondie.

Nouvo Testaman Kreol Morisien Harmonisation NTPS KM

⁹ Enn zanfan Bondie pa kapav kontign fer pese, parski pwisans Bondie ki met lavi dan li. Li pa kapav kontign fer pese parski li finn pran nesans kot Bondie.

1 Zn 3:9 ပူးပေါင်းရင်းမြစ်များ

Mt 7:18

Enn zarb bon pa kapav prodwir move fri, ni enn zarb malad bann bon fri.

Zn 1:13

Zot pa vinn zanfan Bondie par nesans natirel, par volonte bann imin, par dezir enn papa ek enn mama, me zot finn pran nesans kot Bondie.

Zn 3:3

Zezi reponn li, “Vremem, laverite mo dir zot, krwar mwa mo dir twa, si enn dimoun pa pran nesans depi lao, li pa kapav konn Rwayom Bondie.”

Zistwar Bann Zapot 4:20

Me nou, nou nek kapav koz zis lor seki nou finn trouve ek tande.”

Let pou Romin 6:2

Pena sime! Pou seki konsern pese, nou finn mor, li pena pouvwar lor nou; kouma nou kapav kontign viv ladan?

Ga 5:17

Parski bann dezir laser zot kontrer Lespri e bann dezir Lespri zot kontrer laser. Zot telman opoze ki dimoun pa kapav fer seki zot anvi.

Let pou Tit 1:2

Zot pou gagn lesperans lavi eternel ki Bondie finn promet depi lontan. E Bondie zame koz manti.

1 Pi 1:23

Avredir, zot finn ena enn nouvo lavi, ki pa sorti dan bann paran mortel me dan enn semans ki pa lamor ek koripsion parski li sorti dan parol Bondie ki vivan e eternel.

1 Zn 2:29

Si zot kone ki Lekris zis, alor zot osi rekonet ki tou dimoun ki fer seki zis, li enn zanfan Bondie.

1 Zn 3:6

Seki viv ini avek Kris, pa kontign fer pese; seki fer pese, pa finn trouv li, ni finn konn li.

1 Zn 4:7

Mo bann frer ek ser bieneme, nou bizin kontan nou kamarad, parski lamour sorti kot Bondie. Dimoun ki kontan so kamarad, li sorti kot Bondie e li konn Bondie.

1 Zn 5:1

Tou dimoun ki krwar ki Zezi limem Lekris, li enn zanfan Bondie; e tou dimoun ki kontan enn papa li osi kontan zanfan papa la.

1 Zn 5:18

Nou kone ki dimoun ki pran nesans kot Bondie, pa fer pese, parski Sa-Enn ki finn pran nesans kot Bondie la protez li, e Lemal pa kapav tous li.

1 Zn 5:4

parski tou zanfan Bondie ena laviktwar lor lemonn. Nou lafwa donn nou mwayin pou gagn laviktwar lor lemonn.

3 Zn 1:11

Kamarad, pa bizin imit saki mal me imit saki bien. Dimoun ki pratik lebien li avek Bondie; dimoun ki pratik lemal li pa konn Bondie.