1 Zn 3:24 - Nouvo Testaman dan Kreol Morisien

²⁴ Dimoun ki obeir komannman Bondie li res ini avek Bondie e Bondie pou prezan dan li. Ala kouma nou kone ki Bondie viv dan nou, par so Lespri ki li finn donn nou.

Nouvo Testaman Kreol Morisien Harmonisation NTPS KM

²⁴ Dimounn ki obeir komannman Bondie li res ini avek Bondie e Bondie pou prezan dan li. Ala kouma nou kone ki Bondie viv dan nou, par so Lespri ki li finn donn nou.

1 Zn 3:24 ပူးပေါင်းရင်းမြစ်များ

Zn 10:38

me si mo pe fer so travay, mem si zot pale krwar dan mwa, krwar omwin dan bann travay la. Rekonet mo Papa e konpran ki li dan mwa, e mwa, mo dan li.”

Zn 14:17

Limem Lespri laverite. Lemonn pa kapav resevwar li parski li pa trouv li e pa konn li. Zot, zot konn li parski li res ar zot e li dan milie zot.

Zn 17:21

Mo priye pouki zot tou vinn enn sel e ki zot res ar nou parey kouma twa Papa, to dan mwa e mwa mo dan twa. Lerla lemonn pou krwar ki to finn avoy mwa.

1 Ko 3:16

Zot tou sirman kone ki zot lekor tanp Bondie e ki Lespri Bondie li viv dan zot.

1 Ko 6:19

Zot pa kone ki zot lekor enn tanp Lespri Bondie, ki li viv dan zot, e ki Bondie ki finn donn zot sa Lespri la? Alor zot pa apartenir ar zotmem;

2 Ko 6:16

Ki lakor ena ant tanp Bondie ek bann idol? Parski noumem ki tanp Bondie vivan, kouma Bondie finn dir, “Mo pou res parmi mo pep, mo pou mars avek zot, Mo pou zot Bondie, e zot pou mo pep.”

1 Tes 4:8

Akoz samem, dimoun ki rezet sa lansegnman la, li pa pe rezet enn zom me Bondie ki donn osi so Lespri Sin.

2 Tim 1:14

Gard bann bon lansegnman avek led Lespri Sin ki touzour prezan dan nou leker.

1 Zn 2:24

Gard bien mesaz ki zot finn tande depi komansman. Si zot gard sa mesaz la, lerla zot pou res ini avek Bondie Garson ek so Papa osi.

1 Zn 2:3

Si nou gard so komannman, lerla nou sir ki nou konn li.

1 Zn 2:5

Me dimoun ki gard so parol, lamour Bondie pou vremem parfe dan li. Koumsamem nou kone ki nou vremem ini avek li.

1 Zn 2:6

Dimoun ki dir li ini avek li, bizin mars parey kouma li.

1 Zn 3:22

e resevwar tou saki nou dimande, parski nou obeir so komannman e fer so volonte.

1 Zn 4:7

Mo bann frer ek ser bieneme, nou bizin kontan nou kamarad, parski lamour sorti kot Bondie. Dimoun ki kontan so kamarad, li sorti kot Bondie e li konn Bondie.