1 Zn 3:23 - Nouvo Testaman dan Kreol Morisien

²³ Ala so komannman, ki nou bizin krwar dan nom so garson Zezi Kris e kontan nou prosin, parey kouma li finn komann nou.

Nouvo Testaman Kreol Morisien Harmonisation NTPS KM

²³ Ala so komannman, ki nou bizin krwar dan nom so garson Zezi Kris e kontan nou prosin, parey kouma li finn komann nou.

1 Zn 3:23 ပူးပေါင်းရင်းမြစ်များ

Mt 22:39

Deziem pli inportan ‘To kontan to prosin kouma tomem’

Mk 9:7

Lerla enn niaz rekouver zot e enn lavwa dan niaz dir, “Samem mo Garson ki mo bien kontan, ekout li.”

Zn 1:12

Li finn donn tou dimoun ki finn resevwar li e ki krwar dan so nom pouvwar pou vinn zanfan Bondie.

Zn 13:34

Mo donn zot enn komannman nouvo: kontan zot kamarad, parey kouma mwa, mo kontan zot. Zot bizin kontan zot kamarad.

Zn 14:1

“Pa bizin zot boulverse; krwar osi dan Bondie, krwar dan mwa.

Zn 15:12

Ala mo komannman, kontan zot prosin, parey kouma mwa mo kontan zot.

Zn 17:3

Ki ete lavi eternel? Se dekouver ki tomem vre Bondie e ki Zezi Kris, limem ki to finn avoye.

Zn 2:23

Sa bann zour la, Zezi ti dan Zerizalem pou fet Pak. Boukou dimoun ti krwar dan so nom, ler zot finn trouv bann sign ki li ti pe fer.

Zn 3:18

Dimoun ki krwar dan li, pa pou kondane me dimoun ki pa krwar, inn fini kondane parski li pa krwar dan Sel Garson Bondie.

Zn 6:29

Zezi reponn zot, “Fer travay Bondie, se krwar dan Sa-Enn ki li finn avoye la.”

Zistwar Bann Zapot 16:31

Zot reponn, “Krwar dan Lesegner Zezi, e twa ek to fami pou sove.”

Ef 5:2

Zot manier viv bizin inspire par lamour, parey kouma Lekris ti kontan nou e li ti donn limem pou nou, kouma enn lofrand ek enn sakrifis ki ena enn bon parfin ki fer Bondie plezir.

1 Tes 4:9

Asterla, konsernan lamour pou bann frer ek ser, nou pa bizin ekrir zot lor la, parski zot finn aprann zotmem ar Bondie kouma kontan zot prosin.

1 Tim 1:15

Ala enn parol sir ki tou dimoun bizin tande: Zezi Kris finn vinn lor later pou sov bann peser. Parmi bann peser, momem premie;

1 Pi 1:22

Aster ki zot finn pirifie zot lam par obeisans ki zot ena pou laverite, pratik enn lamour sinser. Kontan touzour zot kamarad ar enn leker kler.

1 Pi 4:8

Avan tou, kontan zot kamarad, parski lamour pou fer zot pardonn boukou pese lezot.

1 Zn 2:7

Mo bann frer ek ser bieneme, mo pa pe ekrir zot enn nouvo komannman, me enn vie komannman ki zot ti deza resevwar depi komansman. Sa vie komannman la, limem parol ki zot finn deza tande.

1 Zn 3:11

Samem mesaz ki zot finn tande depi komansman: ki nou bizin kontan nou prosin.

1 Zn 4:15

Si kikenn konfese ki Zezi limem Garson Bondie, Bondie res ini avek li e li res ini ar Bondie.

1 Zn 4:21

Ala komannman ki li finn donn nou: seki kontan Bondie bizin kontan so frer ek so ser osi.

1 Zn 5:13

Zot ki krwar dan nom Garson Bondie, mo pe ekrir tousala pou fer zot kone ki zot ena lavi eternel.