1 Zn 3:22 - Nouvo Testaman dan Kreol Morisien

²² e resevwar tou saki nou dimande, parski nou obeir so komannman e fer so volonte.

Nouvo Testaman Kreol Morisien Harmonisation NTPS KM

²² e resevwar tou seki nou dimande, parski nou obeir so komannman e fer so volonte.

1 Zn 3:22 ပူးပေါင်းရင်းမြစ်များ

Mt 17:5

Letan li ti ankor pe koze, enn niaz bien blan kouver zot e enn lavwa dan niaz la ti pe dir, “Samem mo Garson ki mo bien kontan, li donn mwa boukou lazwa, ekout li!”

Mt 21:22

Tou seki zot dimande dan lafwa, zot pou resevwar.”

Mk 11:24

Akoz samem mo dir zot, tou saki zot dimande dan lapriyer, krwar ki zot finn fini gagn li, e zot pou gagn li.

Zn 14:13

Tou seki zot demande lor mo nom, mo pou fer li pouki zot trouv laglwar mo Papa dan seki mo fer.

Zn 15:10

Si zot gard mo bann komannman, zot pou res dan mo lamour parey kouma mwa, mo gard komannman mo Papa e mo res dan so lamour.

Zn 15:7

Si zot res ar mwa e mo parol res ar zot, tou seki zot demande zot pou gagne.

Zn 6:29

Zezi reponn zot, “Fer travay Bondie, se krwar dan Sa-Enn ki li finn avoye la.”

Zn 8:29

Sa-Enn ki finn avoy mwa la, li avek mwa, li pa les mwa tou sel, parski mo azir dapre tou seki fer li plezir.”

Zn 9:31

Nou kone ki Bondie pa ekout bann peser me si kikenn ador Bondie e fer so volonte, Bondie ekout li.

Zistwar Bann Zapot 17:30

Bondie finn met deryer nou sa letan ignorans la; asterla li dimann tou dimoun partou repanti,

Zistwar Bann Zapot 20:21

Mo finn rann temwagnaz ar bann Zwif ek bann Grek ki zot bizin repanti devan Bondie e gard lafwa dan Lesegner Zezi.

Let pou Filipien 4:18

Mo finn resevwar tou, mem plis ki seki mo pou bizin. Epafrodit finn aport mwa zot bann don kouma enn sakrifis kifer plezir Bondie.

Let pou Kolosien 1:10

pouki zot amenn enn lavi dign Lesegner, e ki zot rod fer li plezir. Par tou saki zot pou fer de bon, zot pou prodwir bann fri e zot pou progrese dan vre konesans Bondie.

Eb 13:21

Ki sa Bondie lape la, fer zot pratik tou seki bon pou zot fer so volonte; ki li realiz dan nou seki bon devan so lizie atraver Zezi Kris, pou li laglwar pou touzour.

Let Zak 1:5

Si kikenn parmi zot mank lasazes, ki li demande, Bondie pou donn li. Bondie zenere e li donn tou dimoun avek enn gran leker.

Let Zak 4:3

Zot demande me zot pa resevwar, parski zot mal demande, zot demande zis pou zot prop plezir.

Let Zak 5:16

Alors, zot bizin konfes zot pese ant zot e sakenn priye pou so kamarad, pouki zot kapav geri. Lapriyer enn dimoun ki zis, li ena enn pwisans e li efikas.

1 Zn 2:3

Si nou gard so komannman, lerla nou sir ki nou konn li.

1 Zn 5:14

Ala lasirans ki nou ena dan li: tou seki nou demande, li pou akord nou dapre so volonte.