1 Zn 2:1 - Nouvo Testaman dan Kreol Morisien

¹ Mo bann ti zanfan, mo pe ekrir zot tousala pouki zot pa fer pese. Me si kikenn fer pese nou ena enn avoka kot Bondie Papa: Zezi Kris ki zis.

Nouvo Testaman Kreol Morisien Harmonisation NTPS KM

¹ Mo bann ti zanfan, mo pe ekrir zot tousala pou ki zot pa fer pese. Me si kikenn fer pese nou ena enn avoka kot Bondie Papa: Zezi Kris ki zis.

1 Zn 2:1 ပူးပေါင်းရင်းမြစ်များ

Lk 10:22

Mo Papa finn remet tou kiksoz dan mo lame. Personn pa konn so Garson, exsepte Papa la, e personn pa konn Papa la exsepte so Garson e dimoun ar ki Garson la anvi revel so Papa.

Zn 10:15

Kouma mo papa konn mwa, e mwa mo konn mo papa, mo pare pou donn mo lavi pou mo bann brebi.

Zn 13:33

Mo bann zanfan, mo pou avek zot pou enn tigit letan ankor; zot pou rod mwa me seki mo finn dir bann Zwif, mo pe dir zot li asterla, ‘La kot mo pe ale, zot pa kapav vini.’

Zn 14:16

Mo pou demann mo Papa, donn zot Sa-Enn ki pou defann zot la pouki li res toultan avek zot.

Zn 14:6

Zezi dir li, “Momem sime, laverite, lavi; personn pa kapav al kot mo Papa si li pa pas par mwa.

Zn 21:5

Zezi dir zot, “Mo bann zanfan, pena pwason?” Zot reponn li, “Non, pena.”

Zn 5:14

Inpe pli tar, Zezi trouv li dan tanp e li dir li, “Gete, aster to finn bien, pa fer pese ankor pouki to pa gagn problem pli grav.”

Zn 5:36

Mo ena enn temwin dan mo faver ki dir kiksoz pli gran ki seki Zan inn dir. Travay ki mo Papa finn donn mwa pou akonpli, samem ase pou montre zot, ki vremem mo Papa finn avoy mwa.

Zn 6:27

Napa travay pou manze ki kapav gate, travay pou manze ki pa fini zame e ki donn lavi eternel. Sa manze la, samem manze ki Garson Limanite pou donn zot parski Bondie Papa finn met mark so lotorite lor mwa.”

Zn 8:11

Li reponn, “Personn, Segner.” Zezi dir li, “Mwa osi mo pa kondann twa. Ale, pa refer pese ankor.”]

Zistwar Bann Zapot 7:52

Dan tou bann profet, lekel zot gran dimoun napa finn persekite? Zot finn mem touy bann ki ti pe anonse anavans ki Lemesi pou vini. Asterla zot ki la, ki finn trayir Lemesi ek zot finn asasinn li.

Let pou Romin 5:10

Nou ti bann ennmi Bondie, me nou finn rekonsilie ar li par lamor so Garson; aster ki nou rekonsilie ar li, ena plis rezon ki nou pou sove par lavi so Garson.

Let pou Romin 6:15

Abe ki nou pou dir la? Eski nou pou fer pese parski nou nepli anba lalwa, me dan lagras Bondie? Pena sime!

Let pou Romin 8:34

Ki sannla kapav kondann zot? Personn. Parski Lekris limem ki ti mor, me plis ki sa, li finn resisite e li adrwat Bondie pou intersed pou nou.

1 Ko 15:34

Regagn zot lespri ek bon sans, ek aret fer pese. Sertin parmi zot pena enn bon relasion avek Bondie. Mo oblize dir sa, mem si sa fer zot onte.

2 Ko 5:21

Lekris pa ti ena pese, me Bondie finn met nou pese lor li, pouki letan nou ini ansam ar li, nou rant dan enn lavi akseptab devan Bondie.

Ga 4:19

Mo bann zanfan, mo pe soufer ankor pou zot kouma enn fam ansint ki pre pou donn nesans enn baba, ziska ki Kris pran form dan zot.

Ef 2:18

Par Lekris nou tou, Zwif ek non-Zwif, nou kapav prezant nou devan Bondie Papa dan enn sel Lespri.

Ef 4:26

Si zot ankoler, pa fer pese. Pa les zot koler res ziska ki soley al kouse.

1 Tim 2:5

Kouma ena enn sel Bondie, ena osi enn sel mediater ant Bondie ek limanite, Zezi Kris limem enn imin

1 Tim 3:14

Mo pe ekrir twa sa let la, e mo espere zwenn twa biento.

Eb 9:24

Kris pa finn rant dan enn sanktyer ki finn konstrir par bann imin, ki nek enn kopi, me li finn rant dan lesiel mem, pouki asterlamem li prezant li devan Bondie dan nou faver.

Let Zak 1:27

Ala seki Bondie Papa konsider kouma vre relizion ki pena okenn tas: pran swin bann orfelin ek vev dan zot soufrans e pa les zot kontamine par lemonn.

Let Zak 3:9

Nou servi li pou loue Lesegner, nou Papa, e avek samem lalang nou donn malediksion dimoun ki Bondie finn kre parey kouma li.

1 Pi 2:22

“Li pa finn fer okenn pese, e okenn mansonz pa finn sorti dan so labous.”

1 Pi 3:18

Ofet, Zezi Kris limem li finn soufer pou pese tou dimoun; parey kouma enn inosan li finn mor pou bann koupab, pou li kapav amenn zot kot Bondie. Fizikman zot finn touy li, me li finn reviv spiritielman,

1 Zn 3:18

Mo bann zanfan, fode pa nou kontan zis avek zoli parol ek bel-bel diskour, me montre vre lamour par nou bann aksion.

1 Zn 3:5

Zot kone ki Lekris finn vini pou efas nou bann pese, e limem, li pena okenn pese dan li.

1 Zn 3:7

Mo bann ti zanfan, pa les personn anbet zot! Tou seki azir avek zistis, li zis parey kouma Kris ki zis.

1 Zn 4:4

Mo bann zanfan, zot sorti kot Bondie, e zot finn vink bann fos profet; parski sa Enn ki dan zot, li pli for ki lespri ki dan lemonn.

1 Zn 5:17

Tou bann move aksion apel pese, me ena pese ki pa mortel.

1 Zn 5:21

Mo bann ti zanfan, fer atansion bann fos bondie.

3 Zn 1:4

Pena nanye ki fer mwa pli kontan ki tann dir ki mo bann zanfan pe mars dan laverite.