1 Zn 1:3 - Nouvo Testaman dan Kreol Morisien

³ Nou anons zot seki nou finn trouve ek tande pouki zot osi zot res ini avek nou, ki ini avek nou Papa e so Garson Zezi Kris.

Nouvo Testaman Kreol Morisien Harmonisation NTPS KM

³ Nou anons zot seki nou finn trouve ek tande pou ki zot osi zot res ini avek nou, ki ini avek nou Papa e so Garson Zezi Kris.

1 Zn 1:3 ပူးပေါင်းရင်းမြစ်များ

Zn 17:11

Mo nepli dan lemonn alors ki zot ankor dan lemonn; mwa mo pe vinn kot twa. Bondie sin, mo Papa! Protez zot par pouvwar ki to finn donn mwa. Lerla zot pou vinn enn sel kouma nou.

Zn 17:21

Mo priye pouki zot tou vinn enn sel e ki zot res ar nou parey kouma twa Papa, to dan mwa e mwa mo dan twa. Lerla lemonn pou krwar ki to finn avoy mwa.

Zn 17:25

Twa Papa ki zis, lemonn pa konn twa; mwa mo finn konn twa e zot kone ki to finn avoy mwa.

Zn 17:3

Ki ete lavi eternel? Se dekouver ki tomem vre Bondie e ki Zezi Kris, limem ki to finn avoye.

Zn 19:35

Dimoun ki finn trouv sa pe donn so temwagnaz pouki zot osi, zot kapav krwar; li kone ki li pe dir laverite.

Zistwar Bann Zapot 13:32

E nou, nou pe anons zot sa Bonn Nouvel ki Bondie limem ti promet nou bann anset.

Zistwar Bann Zapot 13:41

‘Gete, zot ki ranpli ar mepri, ki aster zot ranpli ar etonnman e ki zot disparet! Saki mo pe fer zordi zour enn kiksoz ki zot pa pou krwar mem si kikenn rakont zot sa.’ ”

Zistwar Bann Zapot 2:42

Zot ti devoue zot letan pou ekout lansegnman bann apot e kominion fraternel, zot ti partaz repa lakominion e lapriyer.

Zistwar Bann Zapot 20:27

Parski mo pa finn negliz nanye; okontrer mo finn anons zot plan Bondie anantie.

Zistwar Bann Zapot 4:20

Me nou, nou nek kapav koz zis lor seki nou finn trouve ek tande.”

Let pou Romin 15:27

Zot ti desid sa par zotmem, anrealite zot pran sa kouma enn det anver Zerizalem. Si bann non-Zwif finn gagn enn partaz dan benediksion spiritiel bann Zwif, li zis ki bann non-Zwif partaz zot benediksion materyel ar bann Zwif.

1 Ko 1:30

Limem lasours zot lavi dan Zezi Kris, ki finn vinn pou nou sazes ki sorti kot Bondie. Lekris rann nou drwat, li met nou apar pou Bondie, limem nou delivrans.

1 Ko 1:9

Bondie ki finn apel zot pou viv enn kominion ar so Garson Zezi Kris, sa Bondie la li fidel.

1 Ko 15:1

Frer ek ser, mo anvi rapel zot Bonn Nouvel ki mo finn anons zot, ki zot finn resevwar, e lafwa zot ena lor sa li bien ferm.

Ef 3:6

Ala mister la: bann non-Zwif gagn mem leritaz ki bann Zwif, zot manm mem lekor, e zot partaz mem promes dan Lekris Zezi par Bonn Nouvel.

Let pou Filipien 1:7

Zot okip enn plas spesial dan mo leker. Li normal ki mo ena sa kalite santiman la pou zot. Zot finn partisip dan lagras ki Bondie finn donn mwa ler mo ti dan prizon e kan mo ti pe defann ek konfirm Bonn Nouvel.

Let pou Filipien 2:1

Si zot linion avek Kris ankouraz zot, so lamour rekonfort zot e so Lespri ini zot e rann zot konpatisan,

Let pou Filipien 3:10

Mo ena enn dezir pou konn Kris ek pwisans so rezireksion, partisip dan so soufrans, e vinn parey kouma li dan so lamor,

Let pou Kolosien 1:13

Li finn aras nou dan pouvwar teneb e li finn transfer nou dan Rwayom so Garson bieneme;

1 Tes 1:10

e pou atann so Garson Zezi dan lesiel, limem ki Bondie ti resisite parmi bann mor pou sov nou depi zizman Bondie ki pe aprose.

1 Tim 6:2

Bann esklav fode pa mank respe zot met krwayan sou pretex ki bann met frer ar zot. Okontrer zot bizin fer plis parski zot devouman pou profit bann krwayan ek bann frer e ser. Ala seki to bizin ansegne ek rekomande.

Eb 2:12

Li dir, “Mo pou proklam to nom ar mo bann frer, mo bann ser, omilie lasanble, mo pou loue twa.”

Eb 3:1

Alor mo bann frer, mo bann ser Kretien, zot ki partaz enn lapel sorti dan lesiel, konsider Zezi kouma enn apot e enn gran pret ki nou lafwa proklame.

Eb 3:14

Ofet nou enn partner avek Lekris, si nou gard sa konfians ki nou ena depi komansman la, ziska lafin.

1 Pi 5:1

Asterla momem, kouma enn ansien e kikenn ki temwin bann soufrans Kris e ki ena so par dan laglwar ki pou revele, mo fer enn lapel ar bann sef legliz ki la parmi zot:

2 Pi 1:16

Ofet, nou pa finn aranz enn zistwar baze lor bann kontdefe pou fer zot konn pouvwar Zezi Kris ek so retour, me noumem, nou finn trouv so grander ek nou prop lizie.

1 Zn 1:1

Nou anons zot ki seki ti la depi komansman, seki nou finn tande, seki nou finn trouve avek nou lizie, seki nou finn gete ek touse avek nou lame, samem parol lavi ki nou pe anons zot.

1 Zn 1:5

Samem mesaz ki nou finn tande sorti kot li, ki finn anons zot ki Bondie li lalimier, dan li pena okenn teneb.

1 Zn 1:7

Me si nou mars dan lalimier parey kouma limem ki dan lalimier, nou pou viv ini avek nou kamarad, e disan so Garson Zezi lav tou nou pese.