1 Zn 1:2 - Nouvo Testaman dan Kreol Morisien

² Sa lavi la finn manifeste li, e nou finn tann li, nou finn trouv li e temwagn lor li; e nou anons zot lavi eternel ki ti avek nou Papa e ki finn manifeste ar nou.

Nouvo Testaman Kreol Morisien Harmonisation NTPS KM

² Sa lavi-la finn manifeste li, e nou finn tann li, nou finn trouv li e temwagn lor li; e nou anons zot lavi eternel ki ti avek nou Papa e ki finn manifeste ar nou.

1 Zn 1:2 ပူးပေါင်းရင်းမြစ်များ

Zn 1:18

Zame personn finn trouv Bondie apar so sel Garson. Li ti enn sel ar so Papa. Limem finn fer nou konn Bondie.

Zn 1:4

Limem ti lavi e lavi ti lalimier tou dimoun.

Zn 10:28

Mo donn zot lavi eternel, e zame zot pou mor. Personn pa pou kapav tir zot dan mo lame.

Zn 14:6

Zezi dir li, “Momem sime, laverite, lavi; personn pa kapav al kot mo Papa si li pa pas par mwa.

Zn 15:27

Zot osi zot pou donn zot temwagnaz parski depi komansman zot avek mwa.”

Zn 16:28

Mo sorti kot mo Papa e mo finn vinn dan lemonn; mo pe kit lemonn e mo pe retourn kot mo Papa.”

Zn 17:3

Ki ete lavi eternel? Se dekouver ki tomem vre Bondie e ki Zezi Kris, limem ki to finn avoye.

Zn 17:5

Papa, glorifie mwa aster; donn mwa laglwar ki mo ti ena kot twa depi komansman, avan ki later ti kre.

Zn 19:35

Dimoun ki finn trouv sa pe donn so temwagnaz pouki zot osi, zot kapav krwar; li kone ki li pe dir laverite.

Zn 21:14

Sa fer trwaziem fwa ki Zezi aparet ar so bann disip depi ki li finn resisite parmi lemor.

Zn 3:13

Personn pa finn mont dan lesiel, exsepte Garson Limanite ki finn desann depi lao.

Zn 7:29

Mwa mo konn li parski mo sorti kot li e li finn avoy mwa.”

Zn 8:38

Mo koze baze lor tou seki mo Papa inn dir, me zot, zot azir dapre seki zot finn tande kot zot papa.”

Zistwar Bann Zapot 1:22

omwin enn bizin zwenn ar nou pou fer temwagnaz lor rezireksion Zezi.”

Zistwar Bann Zapot 10:41

Pa tou dimoun ki finn trouv li, me bann temwin ki Bondie ti finn fini swazir, setadir nou ki finn manze-bwar ar li apre ki li ti regagn lavi.

Zistwar Bann Zapot 2:32

Bondie ti resisit Zezi depi lamor e nou bann temwin ki sa ti arive.

Zistwar Bann Zapot 3:15

Zot finn touy Sa-Enn ki donn lavi, me Bondie finn resisit li. Nou tou nou temwin sa.

Zistwar Bann Zapot 5:32

Nou temwin tou seki finn arive, nou ansam avek Lespri Sin ki Bondie finn donn bann dimoun ki obeir li.”

Let pou Romin 8:3

Bondie finn akonpli seki inposib pou lalwa fer parski febles natir imin finn rann li inpwisan. Bondie finn kondann pese ki dan nou natir imin par so prop Garson ki li ti anvwaye dan enn natir imin parey kouma pou nou.

Ga 4:4

Me letan ler fixe arive, Bondie ti avoy so Garson; enn fam inn donn li nesans, li ti soumet anba lalwa,

1 Tim 3:16

Wi, vremem, mister nou lafwa, li gran. Lekris finn paret kouma enn imin, Lespri Sin finn rann li zis, Bann anz finn kontanple li, Finn anons li kot tou bann pep lemonn krwar dan li E li finn mont dan laglwar.

2 Tim 1:10

Sa lagras la ti manifeste par larive Lekris Zezi nou Sover ki finn detrir pouvwar lamor ek donn lavi eternel par so Bonn Nouvel.

Let pou Tit 1:2

Zot pou gagn lesperans lavi eternel ki Bondie finn promet depi lontan. E Bondie zame koz manti.

1 Pi 5:1

Asterla momem, kouma enn ansien e kikenn ki temwin bann soufrans Kris e ki ena so par dan laglwar ki pou revele, mo fer enn lapel ar bann sef legliz ki la parmi zot:

1 Zn 1:1

Nou anons zot ki seki ti la depi komansman, seki nou finn tande, seki nou finn trouve avek nou lizie, seki nou finn gete ek touse avek nou lame, samem parol lavi ki nou pe anons zot.

1 Zn 2:25

Samem ki li finn promet nou: lavi eternel.

1 Zn 3:5

Zot kone ki Lekris finn vini pou efas nou bann pese, e limem, li pena okenn pese dan li.

1 Zn 3:8

Seki fer pese, li sorti kot diab. Depi komansman diab dan pese, me Garson Bondie finn vini pou detrir travay diab.

1 Zn 4:14

Nou finn trouve e nou temwagne ki Bondie finn avoy so Garson kouma Sover lemonn.

1 Zn 4:2

Ala kouma zot kapav kone si Lespri la sorti kot Bondie: tou lespri ki deklare ki Zezi finn vremem vinn enn lekor imin, li sorti kot Bondie,

1 Zn 5:11

Ala temwagnaz la: Bondie finn donn nou lavi eternel, e sa lavi la li trouv dan so Garson.

1 Zn 5:13

Zot ki krwar dan nom Garson Bondie, mo pe ekrir tousala pou fer zot kone ki zot ena lavi eternel.

1 Zn 5:20

E nou kone ki Garson Bondie finn vini, li finn donn nou lintelizans pouki nou konn vre Bondie. Nou res ini avek vre Bondie, ini avek so Garson Zezi Kris. Limem vre Bondie e lavi eternel.