1 Tes 5:12 - Nouvo Testaman dan Kreol Morisien

¹² Mo bann frer e ser, nou pe dimann zot pou respekte bann ki pe travay parmi zot, ki instrir zot, e ki ansarz zot dan Lesegner.

Nouvo Testaman Kreol Morisien Harmonisation NTPS KM

¹² Mo bann frer e ser, nou pe dimann zot pou respekte bann ki pe travay parmi zot, ki instrir zot, e ki ansarz zot devan Lesegner.

1 Tes 5:12 ပူးပေါင်းရင်းမြစ်များ

Lk 10:7

Alor res dan sa lakaz la, manze e bwar seki donn zot, parski enn zouvrie merit so saler.

Zn 4:38

Mwa, mo pe avoy zot rekolte, kot zot pann plante; enn lot bann finn trime me zot, zot pou profit travay la.”

Zistwar Bann Zapot 20:28

Vey lor zotmem e lor tou zot troupo kot Lespri Sin finn met zot gardien. Pran swin Legliz ki Bondie finn gagne pou limem par disan so prop Garson.

Zistwar Bann Zapot 20:35

Dan tou seki mo finn fer, mo finn montre zot kouma avek travay dir, nou kapav pran swin bann feb. Rapel parol ki Lesegner Zezi ti dir, ‘Ena plis benediksion kan done, ki kan resevwar.’ ”

Let pou Romin 16:12

Donn mo salitasion Trifenn ek Trifoza, sa bann madam ki pe travay dir pou Lesegner; e osi Persis, enn madam ki nou bien kontan, ki fer boukou pou Lesegner.

Let pou Romin 16:6

Salye Marie ki finn travay boukou pou nou.

1 Ko 12:28

Bondie finn met tou anplas dan legliz. Premie, li finn met apot, deziem bann profet, trwaziem bann ki responsab pou ansegne, apre bann ki akonplir mirak, apre bann ki kapav geri malad, bann ki ed lezot, bann ki diriz travay legliz, e bann ki koz langaz ki ena parol etranz.

1 Ko 15:10

Me par lagras Bondie mo finn vinn seki mo ete. Sa lagras ki li finn akord mwa la, li pa dan vid. Okontrer, mo finn travay plis ki tou lezot apot; non, pa mwa, me lagras Bondie ki avek mwa.

1 Ko 16:16

obeir sa kalite dimoun la e lezot seki travay ansam ar zot.

1 Ko 16:18

Bannla finn fer mo lespri trankil, kouma finn fer sa osi pou zot. Bizin konn apresie sa kalite dimoun la.

1 Ko 3:9

Nou pe travay ansam avek Bondie, e zot, zotmem plantasion Bondie, zotmem konstriksion Bondie.

2 Ko 11:23

Bannla serviter Lekris? Mo pou dir enn foli la: mo meyer serviter ki zot. Mo finn travay plis ki zot; mo finn fer plis prizon ki zot; mo finn plis gagn bate, e mo finn pas pre ar lamor plis ki zot.

2 Ko 5:9

Ki nou dan sa lekor la ou andeor li, nou anvi fer nou Segner plezir. Sa nou pli gran dezir sa.

2 Ko 6:1

Antan ki bann travayer ki kolabor ar Bondie, nou sipliy zot: pa negliz lagras ki zot finn resevwar ar li.

Ga 4:11

Zot fer mwa sagrin ki mo finn perdi mo letan travay ar zot.

Let pou Filipien 2:16

Parski zot finn port mesaz ki donn lavi, zour Lesegner li pou enn fierte pou mwa. Mo pou kone ki mo pa finn galoupe ek travay pou nanye.

Let pou Filipien 2:19

Mo souete avoy zot Timote biento; li pou enn lankourazman pou mwa pou resevwar zot nouvel.

Let pou Kolosien 1:29

Se pou sa ki mo travay, ki mo lite avek tou so lafors ki azir avek pwisans dan mwa.

1 Tes 2:9

Frer ek ser, zot rapel nou lapenn ek nou travay. Nou finn trime lanwit-lizour pou ki nou pa enn fardo pou zot letan ki nou pe anons zot Bonn Nouvel Bondie.

1 Tes 4:1

Finalman frer ek ser, zot finn aprann avek nou kouma zot bizin konport zot pou fer plezir Bondie, e zot pe deza fer li. Asterla nou dimann zot e nou sipliy zot lor nom Segner Zezi, pou fer plis ankor.

1 Tes 5:14

Nou pe sipliy zot, frer ek ser, pou averti bann ki pares, ankouraz bann ki gagn per, ed bann feb, ena pasians pou zot tou.

1 Tim 5:1

Pa fer brit ar enn vie dimoun, me koz ar li kouma to koz ar to papa.

1 Tim 5:20

Si kikenn fer pese, repran li anpiblik koumsa lezot pou fer atansion.

2 Tim 2:6

Planter ki finn travay dir ki resevwar premie par larekolt.

Let pou Tit 1:3

Kan finn ariv lemoman, Bondie nou Sover finn manifeste so parol par enn proklamasion ki finn konfie mwa par so lord.

Let pou Tit 1:5

Mo finn les twa dan Kret, pou terminn lorganizasion legliz ek etablir bann ansien dan sak lavil. Pa bliye seki mo finn dir twa:

Let pou Tit 2:15

Ala seki to pou dir kan to pou prese. Dir sa san ezite avek otorite. Pa les personn mepriz twa.

Eb 13:17

Obeir zot dirizan e swiv zot lord, parski bannla pe vey lor zot lam, zot bann dimoun ki bizin rann kont Bondie. Fer zot travay avek boukou lazwa e non pa avek tristes parski sa pa pou amenn okenn lavantaz pou zot.

Eb 13:7

Mazinn zot bann ansien dirizan ki finn anons zot parol Bondie. Mazinn fason ki zot ti pe viv e kouma zot finn mor, e imit zot lafwa.

Revelasion 1:20

Ala sinifikasion mister sa set zetwal ek set sandelie an-or ki zot ti trouve dan mo lame drwat. Sa set zetwal la reprezant bann anz, e sa set lalanp la reprezant set legliz.”

Revelasion 2:12

Let ki finn ekrir pou anz dan legliz Pergam: “Sa kikenn ki ena lepe ki koup de kote deklare:

Revelasion 2:18

Let ki finn ekrir pou anz dan legliz Tiatir: “Ala seki garson Bondie ki ena lizie kouma enn laflam dife ek lipie parey kouma bronz ki finn bien poli deklare.

Revelasion 2:3

To ena boukou pasians, to finn soufer akoz mwa e to pa finn dekouraze.

Revelasion 2:8

Let ki finn ekrir pou anz dan legliz Smirn: “Sa kikenn ki premie ek dernie ki ti finn mor e ki finn resisite deklare:

Revelasion 3:1

Let ki finn ekrir pou anz dan legliz Sard: “Sa kikenn ki ena set lespri Bondie ek set zetwal deklare: Mo konn to travay, mo kone ki to ena repitasion enn bon vivan, lergete to enn mor.

Revelasion 3:14

Let ki finn ekrir pou anz dan legliz Laodise: “Ala parol Amen, vre temwin fidel ki lasours kreasion Bondie:

Revelasion 3:7

Let ki finn ekrir pou anz dan legliz Filadelfi: “Sa kikenn ki sin ek vre, ki ena lakle David, li ouver e personn pa kapav ferme, li ferme e personn pa kapav ouver: