1 Tes 5:11 - Nouvo Testaman dan Kreol Morisien

¹¹ Alor ankouraz zotmem e fortifie zot bien, parey kouma zot deza pe fer.

Nouvo Testaman Kreol Morisien Harmonisation NTPS KM

¹¹ Alor ankouraz zotmem e fortifie zot bien, parey kouma zot deza pe fer.

1 Tes 5:11 ပူးပေါင်းရင်းမြစ်များ

Let pou Romin 14:19

Anou rod seki amenn lape e permet nou progres ansam dan lafwa.

Let pou Romin 15:14

Mo bann frer, mo bann ser, mo ena konviksion ki zot ranpli ar bonte, ki zot ena tou konesans e ki zot kapav ansegn zot kamarad.

Let pou Romin 15:2

Sakenn parmi nou bizin fer so prosin plezir pou so prop bien, pouki li progrese dan lafwa.

1 Ko 10:23

Ena enn koze ki dir, “Nou kapav fer seki nou oule.” Wi, me pa tou kiksoz ki bon. “Nou kapav fer seki nou oule,” wi, me pa tou kiksoz ki konstriktif.

1 Ko 14:12

Parey pou zot. Parski zot ena enn gran dezir pou ena don ki Lespri done, ena plis dezir pou edifie legliz par abondans don ki zot pe rode.

1 Ko 14:29

Pou seki resevwar mesaz profetik, de oubien trwa profet kapav pran laparol, e lezot bizin evalie seki pe dir avek boukou swin.

1 Ko 14:5

Mo ti pou kontan ki sakenn parmi zot ti kapav koz anlang, me mo prefer ki zot profetize. Seki profetize pli gran ki seki koz anlang, amwin ki li donn explikasion pouki sa fortifie legliz.

2 Ko 12:19

Tousaletan la zot ti pe panse ki nou pe defann noumem devan zot? A non! Nou pe koz kouma Lekris ti pou anvi nou koze devan Bondie. Tousala, mo bann kamarad, li pouki zot progrese dan zot lafwa.

Ef 4:12

pouki bann krwayan ena kapasite akonplir zot minister, pou grandi lekor Lekris.

Ef 4:16

Par li bann diferan parti lekor vinn ansam; lekor antie tini ansam par bann zwentir; alors koumsamem li grandi e li devlope dan lamour.

Ef 4:29

Napa koz move koze, me servi bann parol ki fortifie e ki donn seki neseser pou dibien bann dimoun ki tann zot.

1 Tes 4:10

Biensir, zot kontan tou bann frer ek ser dan Masedwann. Me nou sipliy zot pou fer ankor plis.

1 Tes 4:18

Akoz samem zot bizin ankouraz sakenn ant zot avek sa bann parol la.

1 Tim 1:4

Anpes zot rakont toutsort kalite zistwar ek koz gran-gran koze lor bann anset parski tousala pa servi nanye parski zis par lafwa ki plan Bondie avanse.

Eb 10:25

Anou pa abandonn nou lasanble kouma detrwa finn pran labitid; okontrer anou plis ankouraz nou kamarad parski kouma zot trouve zour Lesegner pe aprose.

Eb 3:13

Me ki sakenn ankouraz so kamarad zour apre zour. Zot bizin kontigne osi lontan ki ena enn letan ki apel “zordi” pouki personn parmi zot pa les so leker vinn ros, oubien les zot anbete par pese.

2 Pi 1:12

Akoz samem mo panse li normal ki mo kontigne rapel zot sa bann kitsoz la, mem si zot deza konn li e ki zot bien atase ek laverite ki zot ena asterla.

Let Zid 1:20

Me zot, mo bann kamarad, zot bizin kontigne ed zot kamarad pou konstrir lor mesaz ki Bondie finn donn zot. Zot bizin priye avek led Lespri Sin;