1 Tes 2:16 - Nouvo Testaman dan Kreol Morisien

¹⁶ Zot anpes nou anons bann payin mesaz ki kapav sov zot. Tou sa letan la zot finn kontigne fer pese e samem zot dernie pese. Me zizman Bondie finalman finn tom lor zot.

Nouvo Testaman Kreol Morisien Harmonisation NTPS KM

¹⁶ Zot anpes nou anons bann payin mesaz ki kapav sov zot. Tou sa letan-la zot finn kontigne fer pese e samem zot dernie pese. Me zizman Bondie finalman finn tom lor zot.

1 Tes 2:16 ပူးပေါင်းရင်းမြစ်များ

Mt 12:45

Lerla li al rod set lespri pli for ki li, zot rant dan lakaz la zot tou e zot instal zot; alafin, sa dimoun la li finn vinn pir ki avan. Li pou parey avek sa zenerasion la.”

Mt 23:32

Kontigne alor, fer saki zot bann gran dimoun finn koumanse.

Mt 24:14

Bonn Nouvel Rwayom Bondie pou anonse partou dan lemonn, kouma enn temwagnaz pou tou bann nasion; lerla lafin pou vini.

Mt 24:6

E zot pou tann tapaz lager; asire ki zot pa gagn per, parski tousala pou arive, me lafin pa ankor arive.

Mt 3:12

Li, li pou batiz zot ar Lespri Sin ek dife. Ena enn gro fours dan so lame pou separ lagrin dible ek lapay. Lagrin dible, li ramas dan stor, lapay, li bril li dan dife ki zame pou tegn.”

Mk 16:16

Dimoun ki krwar ek resevwar batem pou sove, me dimoun ki pa krwar pou kondane.

Zistwar Bann Zapot 13:45

Me bann Zwif ti ranpli ar zalouzi letan zot trouv sa lafoul la. Zot insilte Pol e kontredir saki li ti pe dir.

Zistwar Bann Zapot 13:50

Me bann Zwif ti mont latet bann madam laot sosiete ki ador Bondie e osi bann gran dirizan zom lavil. Zot ti provok enn persekision kont Pol ek Barnabas, e ti pous zot depi sa rezion la.

Zistwar Bann Zapot 14:19

Bann Zwif ki ti sorti Antios ek Ikoniem ti vinn laba. Zot finn gagn konfians bann dimoun la. Zot finn flank Pol kout ros, e letan zot finn krwar ki li finn mor, zot finn trenn li deor lavil.

Zistwar Bann Zapot 14:2

Me bann Zwif ki ti refiz krwar ti mont latet bann non-Zwif kont bann frer.

Zistwar Bann Zapot 14:5

Bann non-Zwif ek bann Zwif ansam avek zot bann sef ti mont enn plan pou atak Pol ek Barnabas ek pou pil ros lor zot;

Zistwar Bann Zapot 17:13

Kan bann Zwif Tesalonik ti aprann ki Pol ti pe anons laparol dan Bere osi, zot al laba pou met dezord parmi lepep.

Zistwar Bann Zapot 19:9

Me detrwa latet-dir pa ti le krwar e zot koz dimal lor Sime Lesegner devan la foul. Pol kit zot, li amenn bann disip enn kote e li kontign ansegne toulezour dan lasal lekol Tiranos.

Zistwar Bann Zapot 21:21

Ala seki bannla rakonte lor twa: to pe ansegn bann Zwif ki viv parmi bann non-Zwif ki zot bizin abandonn lansegnman Moiz e to finn dir zot pa sirkonsir zot zanfan e pa swiv bann koutim Zwif.

Zistwar Bann Zapot 23:12

Landime gramatin bann Zwif ti met enn plan dibout. Zot ti fer serman ki zot napa pou manze ni bwar ziska ki zot reysi touy Pol.

Zistwar Bann Zapot 24:9

Pou soutenir sa sarz la, bann Zwif osi ti deklare ki tou seki finn dir li vre.

Zistwar Bann Zapot 25:2

Bann gran Pret ek bann Zwif inportan ti prezant Festis bann sarz kont Pol e zot ti sipliy li

Zistwar Bann Zapot 25:7

Kan Pol ti vini, bann Zwif ki ti desann depi Zerizalem ti antour li e ti met enn ta sarz lor li, ki zot pa ti kapav prouve.

Zistwar Bann Zapot 4:12

Pena personn kapav sov nou apar Zezi, parski pena okenn lot nom dan lemonn antie ki kapav sov nou.”

Zistwar Bann Zapot 9:23

Apre inpe letan bann Zwif fer konplo pou touy li,

1 Ko 10:33

Koumsamem mo viv pou fer plezir tou dimoun; olie mo rod mo prop lintere, mo rod lintere tou dimoun pouki zot kapav sap dan pese.

Ga 5:11

Me si mwa mo ankor pe pres sirkonsizion, alor kifer zot pe persekit mwa? Dan sa ka la, Lekris lor lakrwa nepli enn skandal.

Ef 3:13

Alor mo dimann zot napa dekouraze akoz soufrans ki mo pe pase pou zot; tousala li pou zot prop laglwar.

Ef 3:8

Parmi tou bann krwayan momem dernie parmi bann dernie. Malgre sa Bondie finn fer mwa enn gran faver: pou al anons bann non-Zwif larises infini ki Lekris ena,

1 Tes 1:10

e pou atann so Garson Zezi dan lesiel, limem ki Bondie ti resisite parmi bann mor pou sov nou depi zizman Bondie ki pe aprose.

2 Tes 2:10

Li pou servi tou fason pou fer bann ki pe deperi perdi lespwar parski zot pe refiz aksepte lamour ki sov zot.

1 Tim 2:4

ki oule sov tou dimoun pouki zot arive konn laverite.

Eb 6:8

Me si later la raport pikan ek move lerb, li pa vo nanye, li pe pas pre ar malediksion, e li pou fini dan dife.

Revelasion 22:11

Les bann ki move kontigne fer plis dimal, bann ki moralman koronpi kontign dan zot pouritir, e bann ki zis kontign pratik lazistis, e bann ki viv lavi sin kontign vinn pli sin.