1 Pi 5:12 - Nouvo Testaman dan Kreol Morisien

¹² Mo pe ekrir zot sa ti let la avek led Silas, ki mo konsider kouma enn frer serye, pou ankouraz zot e pou sertifie ki samem vre lagras Bondie; zot bizin tini ferm ladan.

Nouvo Testaman Kreol Morisien Harmonisation NTPS KM

¹² Mo pe ekrir zot sa ti let-la avek led Silas, ki mo konsider kouma enn frer serye, pou ankouraz zot e pou sertifie ki samem vre lagras Bondie; zot bizin tini ferm ladan.

1 Pi 5:12 ပူးပေါင်းရင်းမြစ်များ

Zn 21:21

Letan Pier trouv disip la, li dir Zezi, “E li, Segner, ki pou ariv li?”

Zistwar Bann Zapot 11:23

Letan li ariv laba li trouv lagras Bondie, li ti bien-bien kontan. Li ti ankouraz zot tou pou res fidel ar Lesegner ar tou zot leker.

Zistwar Bann Zapot 15:22

Lerla bann apot avek bann ansien, e Legliz antie, ti desid pou swazir detrwa parmi zot pou avoy Antios avek Pol ek Barnabas. Zot ti swazir Zid ki ti osi apel Barsabas, ek Silas, de dimoun ki ti bien respekte parmi bann frer.

Zistwar Bann Zapot 20:24

Pou mwa mo lavi pena okenn valer; linportans, seki mo akonplir devwar ki mo finn resevwar ar Lesegner Zezi. Li finn konfie mwa pou rann temwagnaz Bonn Nouvel ki montre lagras Bondie.

Let pou Romin 5:2

Akoz nou ena lafwa dan Lekris, li finn fer nou gagn akse lagras Bondie, e nou viv dan lexperyans sa lagras la. Nou met nou fierte dan lesperans ki nou partaz laglwar Bondie.

1 Ko 15:1

Frer ek ser, mo anvi rapel zot Bonn Nouvel ki mo finn anons zot, ki zot finn resevwar, e lafwa zot ena lor sa li bien ferm.

2 Ko 1:19

Zezi Kris, Garson Bondie, ki nou - momem, Silas ek Timote - nou finn anonse parmi zot, li pa finn dans-danse ant “Wi” ek “Non”; okontrer li toultan “Wi.”

2 Ko 1:24

Nou pa rod inpoz lor zot seki zot bizin krwar; nou kone ki zot ferm dan zot lafwa, me nou anvi kontribie pou zot boner.

Ef 3:3

setadir, ki manier par revelasion, mo finn gagn konesans so mister. Mo finn fini fer enn ti rezime lor la avan.

Ef 6:21

Tisik, frer ki nou bien kontan e ki fidel dan travay Lesegner, pou donn zot nouvel lor mwa, pouki zot kone ki pe pase.

Let pou Kolosien 1:7

Zot finn aprann sa par Epafras, nou kamarad e nou konpagnon dan servis. Li enn minis fidel Lekris ki finn travay dan nou plas.

Let pou Kolosien 4:7

Zot pou gagn tou mo nouvel par Tisik, enn frer ki mo kontan, enn serviter fidel, mo konpagnon servis dan Lesegner.

Let pou Kolosien 4:9

Onezim, sa frer fidel e bieneme, pe akonpagn li; li sorti kot zotmem li. Sa de la pou met zot okouran tou seki pe pase isi.

1 Tes 1:1

Mwa Pol, ansam avek Silas ek Timote, nou pe ekrir legliz pep Bondie Papa ek Segner Zezi Kris, dan Tesalonik. Ki lagras ek lape res ar zot.

2 Tes 1:1

Pol, Silvin ek Timote pe ekrir legliz Bondie Papa ek Lesegner Zezi Kris dan Tesalonik:

Eb 13:22

Mo bann frer ek ser, mo fer enn lapel ar zot; ekout sa mesaz lankourazman la avek pasians, parski seki mo finn ekrir; li pa tro long.

1 Pi 1:13

Akoz samem zot bizin pare pou azir ar enn lespri eveye; met tou zot lesperans dan lagras ki Zezi Kris pou donn zot kan li pou revel li.

1 Pi 4:10

Sakenn, parey kouma enn bon serviter, servi bien bann diferan kalite lagras ki Bondie finn donn zot.

2 Pi 1:12

Akoz samem mo panse li normal ki mo kontigne rapel zot sa bann kitsoz la, mem si zot deza konn li e ki zot bien atase ek laverite ki zot ena asterla.

2 Pi 2:15

Zot finn kit vre sime, zot finn perdi dan sime Balam, garson Bosor ki ti kontan larzan ki gagne par move travay,

3 Zn 1:12

Tou dimoun ti rann bon temwagnaz lor Dimitris. Laverite osi ti rann temwagnaz dan so faver. Nou osi, nou rann temwagnaz dan so faver, e to kone ki sa temwagnaz la li vre.

Let Zid 1:3

Mo bann kamarad, mo ti pe fer tou pou ekrir zot lor size ladelivrans ki nou ena ankomin, me mo finn trouv li neseser pou adres zot sa let la, pou ankouraz zot pou lite dan lafwa ki Bondie finn donn so pep sin.