1 Pi 1:3 - Nouvo Testaman dan Kreol Morisien

³ Ki Bondie, Papa nou Segner Zezi Kris, li beni; parski dan so gran mizerikord, li finn donn nou enn nouvo lavi ler li resisit Zezi depi bann mor, e li donn nou enn lesperans vivan;

Nouvo Testaman Kreol Morisien Harmonisation NTPS KM

³ Ki Bondie, Papa nou Segner Zezi Kris, li beni; parski dan so gran mizerikord, li finn donn nou enn nouvo lavi ler li resisit Zezi depi bann mor, e li donn nou enn lesperans vivan;

1 Pi 1:3 ပူးပေါင်းရင်းမြစ်များ

Zn 1:13

Zot pa vinn zanfan Bondie par nesans natirel, par volonte bann imin, par dezir enn papa ek enn mama, me zot finn pran nesans kot Bondie.

Let pou Romin 12:12

Montre lazwa dan lesperans, montre pasians dan ladetres, priye avek fidelite.

Let pou Romin 15:13

Ki Bondie, lasours lesperans, ranpli zot ar lazwa ek lape par lafwa ki zot ena dan li, pouki zot lesperans deborde par pwisans Lespri Sin.

Let pou Romin 4:25

Li ti finn livre dan lame lamor pou nou bann pese, e li finn releve pou rann nou zis devan Bondie.

Let pou Romin 5:10

Nou ti bann ennmi Bondie, me nou finn rekonsilie ar li par lamor so Garson; aster ki nou rekonsilie ar li, ena plis rezon ki nou pou sove par lavi so Garson.

Let pou Romin 8:11

Si Lespri Bondie, ki ti resisit Zezi, pe viv dan zot, Sa-Enn ki ti resisit Zezi la pou donn lavi zot lekor mortel par so Lespri ki viv dan zot.

Let pou Romin 8:24

Se dan lesperans ki nou finn sove. Me si nou trouv seki nou pe espere, li nepli lesperans ditou. Kisannla ki esper kiksoz ki li deza ena?

1 Ko 13:13

Sa trwa kiksoz la reste: lafwa, lesperans ek lamour. Me dan sa trwa la, lamour pli gran.

1 Ko 15:20

Me non; Lekris finn resisite depi bann mor, limem premie resisite.

2 Ko 1:3

Anou loue Bondie ek Papa Zezi Kris, Papa ki ena mizerikord ek toultan konsol nou.

Ga 6:16

Tou dimoun ki mars dapre sa prinsip la, lape ek mizerikord pou ar zot ek Izrael pep Bondie osi.

Ef 1:17

Mo priye Bondie Papa nou Segner Zezi Kris, Papa ki ena laglwar, ki li donn zot Lespri lasazes, e Lespri ki devwal Bondie pouki zot konn li plis ankor.

Ef 1:3

Anou beni Bondie ki Papa nou Segner Zezi Kris. Dan nou linion avek Zezi Kris, Bondie finn beni nou ar tou kalite benediksion spiritiel lao dan lesiel.

Ef 1:7

Dan Lekris, nou finn gagn delivrans par so disan, dan Lekris nou bann fot finn pardone dapre rises so lagras.

Ef 2:4

Me akoz Bondie ena boukou-boukou konpasion, e li ena enn gran lamour pou nou,

Ef 3:20

Par so pwisans ki azir dan nou, Bondie kapav fer boukou plis ki nou dimande, mem boukou plis ki nou kapav imazine,

Let pou Kolosien 1:23

Me bizin ki, par lafwa, zot res solid ek ferm, san ki zot deporte andeor lesperans ki vinn par Bonn Nouvel ki zot finn tande, ki finn proklame ar tou kreatir anba lesiel. Mwa Pol mo finn vinn serviter sa Bonn Nouvel la.

Let pou Kolosien 1:27

Li finn anvi fer zot konn rises ek laglwar sa mister la parmi bann pep: Lekris parmi zot, lesperans laglwar!

1 Tes 1:3

Devan nou Bondie ek Papa nou rapel seki zot finn fer akoz zot lafwa, kouma zot finn travay dir akoz zot lamour pou Zezi e kouma zot finn tini ferm dan lesperans pou Zezi Kris.

1 Tes 4:13

Frer ek ser, nou pa anvi ki zot res dan lignorans konsernan bann dimoun ki finn mor, pou zot pa tris kouma bann lezot dimoun ki pena lesperans.

2 Tes 2:16

Ki nou Segner Zezi Kris limem ek Bondie nou Papa ki kontan nou e finn donn enn rekonfor eternel ek enn bon lesperans par so lagras,

1 Tim 1:14

Nou Segner finn vers lor mwa ankor plis lagras e li finn akord mwa lafwa ek lamour ki dan Zezi Kris.

Let pou Tit 2:13

Nou pe atann dan lesperans sa gran zour la kot laglwar Bondie nou Sover dan Zezi Kris pou manifeste li.

Eb 3:6

Me Lekris, finn fidel dan lakaz Bondie kouma so Garson. E noumem ki so lakaz, si nou res ferm dan nou lasirans ek fierte dan lesperans.

Let Zak 1:18

Par so prop volonte li finn donn nou lavi par so Parol ki laverite, pouki nou kapav vinn kouma bann premie fri kreasion.

1 Pi 1:13

Akoz samem zot bizin pare pou azir ar enn lespri eveye; met tou zot lesperans dan lagras ki Zezi Kris pou donn zot kan li pou revel li.

1 Pi 1:21

Par li, zot krwar dan Bondie ki finn resisit li parmi bann mor e finn donn li laglwar pouki zot lafwa ek zot lesperans repoz dan Bondie.

1 Pi 1:23

Avredir, zot finn ena enn nouvo lavi, ki pa sorti dan bann paran mortel me dan enn semans ki pa lamor ek koripsion parski li sorti dan parol Bondie ki vivan e eternel.

1 Pi 2:2

Parey kouma bann zanfan ki fek ne, rod dile ki pa koupe e ki spiritiel pouki kan zot bwar li zot kapav grandi pou gagn vre lavi,

1 Pi 3:15

me dan zot leker onor Kris kouma zot Segner. Toultan zot bizin pare pou defann zot lafwa kan dimoun dimann zot explik lesperans ki dan zot;

1 Pi 3:21

Sa enn fason pou montre batem ki pe sov zot asterla; pa pou lav linpirte dan zot lekor, me kouma enn langazman ar Bondie pou enn konsians prop; li sov zot par rezireksion Zezi Kris,

1 Pi 3:5

Lontan, koumsamem bann fam piez ti ete. Zot ti met zot lesperans dan Bondie e zot ti aksepte lotorite zot mari.

1 Zn 2:29

Si zot kone ki Lekris zis, alor zot osi rekonet ki tou dimoun ki fer seki zis, li enn zanfan Bondie.

1 Zn 3:3

Dimoun ki ena sa kalite lesperans dan Kris, pou rann limem pir parey kouma li.

1 Zn 3:9

Enn zanfan Bondie pa kapav kontign fer pese, parski pwisans Bondie ki met lavi dan li. Li pa kapav kontign fer pese parski li finn pran nesans kot Bondie.

1 Zn 4:7

Mo bann frer ek ser bieneme, nou bizin kontan nou kamarad, parski lamour sorti kot Bondie. Dimoun ki kontan so kamarad, li sorti kot Bondie e li konn Bondie.

1 Zn 5:1

Tou dimoun ki krwar ki Zezi limem Lekris, li enn zanfan Bondie; e tou dimoun ki kontan enn papa li osi kontan zanfan papa la.

1 Zn 5:18

Nou kone ki dimoun ki pran nesans kot Bondie, pa fer pese, parski Sa-Enn ki finn pran nesans kot Bondie la protez li, e Lemal pa kapav tous li.

1 Zn 5:4

parski tou zanfan Bondie ena laviktwar lor lemonn. Nou lafwa donn nou mwayin pou gagn laviktwar lor lemonn.