1 Pi 1:17 - Nouvo Testaman dan Kreol Morisien

¹⁷ Si zot priye Bondie kouma Papa ki ziz tou dimoun parey dapre so aksion, zot bizin ena respe pou li letan ki zot lor later.

Nouvo Testaman Kreol Morisien Harmonisation NTPS KM

¹⁷ Si zot priye Bondie kouma Papa ki ziz tou dimounn parey dapre so aksion, zot bizin ena respe pou li letan ki zot lor later.

1 Pi 1:17 ပူးပေါင်းရင်းမြစ်များ

Mt 16:27

Garson Limanite pou vini avek so bann anz dan laglwar so Papa, e lerla li pou tret sak dimoun dapre seki li finn fer.

Mt 22:16

Alor, zot avoy zot bann disip, ansam avek bann Erodien pou al get Zezi. Bann la dir li, “Met, nou kone ki to sinser, seki to ansegne lor lalwa Bondie li vre, e to pa les twa inflianse par personn parski to tret to dimoun parey.

Mt 6:9

Gete kouma zot bizin priye: ‘Nou Papa lao dan lesiel, ki to nom sanktifie.

Let pou Romin 11:20

Sa li vre. Ti koup zot akoz zot ti mank lafwa, e twa to dan zot plas akoz lafwa ki to ena. Me pa pran enn ler arogan; okontrer montre boukou respe.

2 Ko 1:2

ki Bondie nou Papa ek Zezi Kris nou Segner donn zot lagras ek lape.

2 Ko 5:6

Alors nou toultan ena konfians; e nou kone ki tanki nou dan sa lekor la, nou lwin ar Lesegner.

2 Ko 7:1

Mo bann kamarad, tou sa bann promes la valab pou nou. Akoz sa nou bizin pirifie noumem, separ nou avek tou seki kapav sali nou lekor ek nou lam; e anou viv enn lavi konpletman sin, dan respe pou Bondie.

2 Ko 7:11

Get enn kou rezilta tristes selon Bondie: wi, gete ki kalite bonn volonte zot ena, komie zot prese pou defann zotmem, ki indignasion zot ena, lafreyer osi, dezir pou retrouv mwa, zel ki zot ena, lanvi pou pini lemal. Zot finn prouve ki zot inosan dan sa zafer la.

Ga 2:6

Me pou seki konsern dimoun ki paret bann gran dirizan, seki zot ete pa fer okenn diferans pou mwa, Bondie pa ziz dapre laparans, sa bann dimoun la pa finn inpoz nanye nouvo ar Bonn Nouvel ki mo anonse.

Ef 1:17

Mo priye Bondie Papa nou Segner Zezi Kris, Papa ki ena laglwar, ki li donn zot Lespri lasazes, e Lespri ki devwal Bondie pouki zot konn li plis ankor.

Ef 3:14

Pou sa rezon la mo azenou devan Bondie Papa,

Ef 6:9

Zot, bann met, tret zot bann esklav dan mem fason. Pa menas zot. Rapel ki zot toulede, ki li met ki li esklav, zot ena mem Met dan lesiel, e li ziz tou dimoun san okenn preferans.

Let pou Filipien 2:12

Mo bann kamarad, zot finn toultan obeisan ler mo ti avek zot, aster ki mo absan, zot bizin plis obeisan ankor. Dan imilite ek reverans, travay pou zot delivrans,

Let pou Kolosien 3:25

Si zot fer ditor, li pou ena so konsekans, e pa pou ena preferans pou person.

Eb 12:28

Alor, anou montre nou rekonesans, parski nou resevwar enn rwayom ki pa tranble. Anou ador Bondie avek reverans ek lakrint;

Eb 4:1

Pandan ki promes pou rant dan repo Bondie touzour valab, anou pran kont pouki personn parmi zot pa perdi sa lokazion pou rant ladan la.

1 Pi 2:11

Mo bann kamarad, mo dimann zot antan ki etranze ek exile lor later, pa rant dan piez instale par bann dezir imin ki andezakor ar zot lam.

1 Pi 3:15

me dan zot leker onor Kris kouma zot Segner. Toultan zot bizin pare pou defann zot lafwa kan dimoun dimann zot explik lesperans ki dan zot;