1 Pi 1:10 - Nouvo Testaman dan Kreol Morisien

¹⁰ Bann profet finn fer resers lor sa delivrans la, e zot finn profetiz lor size lagras ki finn rezerve pou zot.

Nouvo Testaman Kreol Morisien Harmonisation NTPS KM

¹⁰ Bann profet finn fer resers lor sa delivrans-la, e zot finn profetiz lor size lagras ki finn rezerve pou zot.

1 Pi 1:10 ပူးပေါင်းရင်းမြစ်များ

Mt 13:17

Laverite, mo dir zot, boukou profet ek dimoun ki viv drwat devan Bondie ti anvi trouv seki zot finn trouve, me zot pa finn trouve; e ti anvi tann seki zot finn tande, me zot pa finn tande.”

Mt 26:24

Garson Limanite pe al mor dapre seki finn ekrir lor li, me maler pou sa dimoun ki pe trair Garson Limanite! Pou limem vomie, li pa ti ne.”

Lk 10:24

Krwar mwa mo dir zot, boukou profet ek lerwa finn anvi trouv seki zot pe trouve, e zot pa finn trouve, e pou tann seki zot pe tande, e zot pa finn tande.”

Lk 24:44

Li dir zot, “Samem parol ki mo ti dir zot kan mo ti avek zot parski tou seki finn ekrir lor mwa dan Lalwa Moiz, Liv bann Profet e bann Psom, ti bizin realize.”

Zn 5:39

Zot fouy dan Lekritir parski zot mazine ki ladan ena lavi eternel; zisteman tou seki ena ladan donn enn temwagnaz lor mwa.

Zn 7:52

Bannla reponn li, “To sort Galile, twa osi? Rode to pou trouve ki okenn profet pa sorti Galile.”

Zistwar Bann Zapot 10:43

Tou bann profet ti koz lor li. Zot ti dir seki krwar dan li pou resevwar pardon zot pese par pwisans so nom.”

Zistwar Bann Zapot 17:11

Bann Zwif Bere ti ena meyer santiman ki bann Zwif Tesalonik. Zot ti pli pare pou resevwar Bonn Nouvel ki bannla. Toulezour zot ti pe examinn laparol pou verifie sipa seki ti pe dir la ti korek.

Zistwar Bann Zapot 28:23

Zot ti tom dakor lor enn dat randevou avek Pol, e zot ti vinn kot li ar boukou lot dimoun ankor. Pol ti anons zot Rwayom Bondie. Li ti servi lalwa Moiz ek liv profet pou li konvink zot lor Zezi. Li ti fer sa depi gramatin ziska tanto.

Zistwar Bann Zapot 7:52

Dan tou bann profet, lekel zot gran dimoun napa finn persekite? Zot finn mem touy bann ki ti pe anonse anavans ki Lemesi pou vini. Asterla zot ki la, ki finn trayir Lemesi ek zot finn asasinn li.

Eb 11:13

Zot tou finn mor dan lafwa san ki zot finn resevwar bann promes Bondie, me zot finn kontan parski zot finn trouv li delwin. Zot ti konfese ki zot bann etranze ek exile lor later.

Eb 11:40

Ofet Bondie finn prevwar kitsoz meyer pou nou, pouki selma ansam ar nou, zot pou vinn parfe.

1 Pi 1:11

Zot finn fer zefor pou dekouver ki lepok e dan ki sirkonstans ki Lespri Kris ki dan zot, ti predir soufrans ki Kris ti pou soufer ek laglwar ki ti pou swiv apre.

1 Pi 1:13

Akoz samem zot bizin pare pou azir ar enn lespri eveye; met tou zot lesperans dan lagras ki Zezi Kris pou donn zot kan li pou revel li.