1 Ko 9:27 - Nouvo Testaman dan Kreol Morisien

²⁷ Mo treyn mo lekor dir, mo kontrol li kouma mo esklav, pouki mo pa pres lezot laparol, apre mo trouv momem diskalifie.

Nouvo Testaman Kreol Morisien Harmonisation NTPS KM

²⁷ Mo trenn mo lekor dir, mo kontrol li kouma mo esklav, pou ki mo pa pres lezot laparol, apre mo trouv momem diskalifie.

1 Ko 9:27 ပူးပေါင်းရင်းမြစ်များ

Lk 18:5

mo pou donn sa vev la rezon parski li fatig mo latet; sinon li pou minn mo lavi afors li vinn devan mo laport toulezour.’ ”

Lk 9:25

Kiserti enn dimoun gagn lemonn antie pouki apre li perdi limem oubien detrir so lavi?

Zistwar Bann Zapot 1:25

Zida ki finn abandonn so plas apot pou al kot li finn ale.”

Let pou Romin 8:13

Si zot viv dapre natir pese, zot pou mor. Me si par Lespri zot touy aksion natir pese, alor la, zot pou viv.

1 Ko 8:13

Akoz sa, si nouritir ki lakoz ki fer enn frer ou enn ser tom dan lerer, zame mo pa pou manz laviann ankor.

1 Ko 9:25

Dan lantrennman sak atlet inpoz limem enn disiplinn bien sever. Zot fer sa pou gagn enn kouronn ki pa res pou toultan; me nou, nou fer nou travay pou gagn enn kouronn ki so valer zame gate.

2 Ko 11:27

Mo finn konn travo penib ek bann eprev bien dir; souvan mo finn pas lanwit san somey; mo finn pas par lafin, par laswaf; souvan mo pa finn ena manze ditou, dan freser, san linz.

Let pou Kolosien 3:5

Tou seki fer parti lavi lor later an zot, fer li mor: move lavi, inpirte, lapasion, bann move dezir ek lamour larzan ki enn form lidolatri.

2 Tim 2:22

Fer atansion bann piez kot zenes rantre san panse. Touzour viv drwat. Pratik lafwa, lasarite, lape avek bann dimoun sinser kan zot invok Lesegner.

1 Pi 2:11

Mo bann kamarad, mo dimann zot antan ki etranze ek exile lor later, pa rant dan piez instale par bann dezir imin ki andezakor ar zot lam.

2 Pi 2:15

Zot finn kit vre sime, zot finn perdi dan sime Balam, garson Bosor ki ti kontan larzan ki gagne par move travay,