1 Ko 7:31 - Nouvo Testaman dan Kreol Morisien

³¹ bann ki servi seki ena dan sa lemonn la, komsi zot pa gagn profi ladan. Parski sa lemonn la, dan form ki li ete asterla, li pa pou res lontan.

Nouvo Testaman Kreol Morisien Harmonisation NTPS KM

³¹ bann ki servi seki ena dan sa lemond-la, komsi zot pa gagn profi ladan. Parski sa lemond-la, dan form ki li ete aster-la, li pa pou res lontan.

1 Ko 7:31 ပူးပေါင်းရင်းမြစ်များ

Lk 21:34

“Pran kont pouki zot leker pa angourdi par tousort kalite kiksoz, par labwason ek bann difikilte lavi, sinon Gran Zour la pou tom lor zot san ki zot atann,

1 Ko 7:29

Seki mo pe rod dir, bann frer ek bann ser, letan ki reste bien tigit. Depi aster bann zom marye bizin viv kouma dir zot pena fam;

1 Ko 7:30

bann ki dan dey komsi zot pa tris; bann ki dan boner komsi zot pa ere; bann ki aste kiksoz, komsi zot pa posed kiksoz la;

1 Ko 9:18

Alor, ki mo rekonpans? Satisfaksion ki mo gagne pou anons gratwitman Bonn Nouvel san ki mo profit drwa ki sa Bonn Nouvel la donn mwa.

Eb 12:27

Sa bann parol la, “ankor enn fwa,” montre klerman, ki tou kiksoz ki finn kre pou tranble ek disparet, pouki seki solid li reste.

Let Zak 4:14

Pourtan, zot pa mem kone ki dime rezerv zot. Zot parey kouma enn brouyar ki paret zis pou enn ti moman, apre li disparet.

1 Pi 1:24

Parski finn ekrir: “Tou dimoun, zot kouma lerb e zot laglwar parey kouma bann fler dan karo; lerb sek e so fler tonbe,

1 Pi 4:7

Lafin tou kitsoz pe aprose. Zot bizin serye ek disiplinn zotmem pou zot kapav priye.

1 Zn 2:17

Lemonn avek so bann dezir pe al fini, me bann ki fer volonte Bondie pou viv pou touzour.