1 Ko 6:10 - Nouvo Testaman dan Kreol Morisien

¹⁰ voler, akaparer, soular, bann ki dir dimal lor Bondie ek bann eskro, pa erit Rwayom Bondie.

Nouvo Testaman Kreol Morisien Harmonisation NTPS KM

¹⁰ voler, akaparer, soular, bann ki dir dimal lor Bondie ek bann eskro, pa erit Rwayom Bondie.

1 Ko 6:10 ပူးပေါင်းရင်းမြစ်များ

Mt 21:19

Li trouv enn pie fig dan bor sime e li al pre ar li, me li pa trouv okenn fri, me zis bann fey. Alor li dir pie fig la: “To nepli pou donn fri ankor” Enn sel kou pie fig sek.

Mt 23:13

Maler lor tou bann dokter lalwa ek Farizien ipokrit! Zot finn ferm laport lesiel pou dimoun. Zotmem zot pa rantre e kan lezot anvi rantre, zot blok laport.

Mt 23:33

Bann espes serpan! Zot panse zot pou kapav sov kondanasion Bondie?

Zn 12:6

Li pa ti pe dir sa parski li ti kontan bann pov me parski li ti enn trianger; limem ti kontrol finans e li ti pran kas, met dan so pos.

Zistwar Bann Zapot 20:32

Asterla mo remet zot dan lame Bondie. So parol montre so lagras ki kapav donn zot lafors. Sa lagras la donn zot enn leritaz parmi bann ki li finn sanktifie.

1 Ko 15:50

Seki mo pe rod dir, frer ek ser, seki laser ek disan pa kapav ena par dan Rwayom Bondie; seki mortel pa kapav ena par dan imortalite.

1 Ko 5:11

Mo ti pe rod dir zot pa asosie zot ar kikenn ki dir li enn krwayan, me ki pe viv enn lavi debos, li enn rapas, li ador bann idol, li insilte ek abiz so prosin, li enn soular ou enn voler. Fode pa manz ansam ar enn dimoun koumsa.

Ga 5:21

lanvi, soulezon, fiesta, eksetera. Mo averti zot parey kouma mo finn fer li avan, tou bann dimoun ki pratik sa bann kiksoz la, zot pa pou erit Rwayom Bondie.

Ef 4:28

Voler bizin aret kokin; okontrer li bizin fer travay onet ar so prop lame pouki li kapav ena seki bizin pou partaz ar bann pov.

Ef 5:5

Ala mo dir zot enn zafer ki sir: okenn dimoun imoral, indesan ou akaparer - sa enn form idolatri - pa pou gagn so par dan Rwayom Lekris ek Bondie.

1 Tes 4:6

Dan sa zafer la, ki personn ant zot pa fer dimal so prosin oubien abiz lor li. Nou finn deza dir zot sa avan, la nou pe averti zot ki Bondie pou pini bann ki komet sa bann fot la.

1 Pi 4:15

Ki personn parmi zot pa soufer akoz li enn kriminel, enn voler, enn bandi ou akoz li finn mel dan zafer ki pa regard li.