1 Ko 5:10 - Nouvo Testaman dan Kreol Morisien

¹⁰ Mo pa ekrir sa lor bann dimoun dan lemonn ki imoral, gourman, voler ou adorater idol. Dan sa ka la zot ti pou bizin kit lemonn sorti ale.

Nouvo Testaman Kreol Morisien Harmonisation NTPS KM

¹⁰ Mo pa ekrir sa lor bann dimounn dan lemond ki imoral, gourman, voler ou adorater idol. Dan sa ka-la zot ti pou bizin kit lemond sorti ale.

1 Ko 5:10 ပူးပေါင်းရင်းမြစ်များ

Lk 18:11

Farizien la ti pe dibout enn kote, apar, e li ti pe priye dan so leker, ‘Bondie, mo remersie twa ki mo pa kouma bann lezot dimoun, voler, explwater, adilter, e sirtou pa kouma sa komi tax la.

Zn 15:19

Si zot ti viv pou lemonn, lerla lemonn ti pou konsider zot kouma so prop zanfan; me zot pa pou lemonn; mwa, mo finn swazir zot, mo finn tir zot dan lemonn, akoz samem lemonn air zot.

Zn 17:6

Mo finn fer tou dimoun ki to finn donn mwa lor later, konn to nom; zot ti pou twa, to finn donn mwa zot tou e zot finn gard to parol.

Zn 17:9

Mo priye pou zot; mo pa pe priye pou lemonn me mo priye pou tou seki to finn konfie mwa, parski zot tou pou twa.

Zn 8:23

Li dir zot, “Zot inn pran zot lorizinn lor later, mwa mo lorizinn lao; zot lonbri atase ar sa lemonn la, mwa mo pa atase.

1 Ko 1:20

Kot dimoun saz ete? Kot dokter lalwa ete? Bann ki fer gran-gran diskour zordi, kot zot? Eski Bondie pa finn rann bet lasazes sa lemonn la?

1 Ko 10:27

Si enn non-krwayan invit twa pou pran enn repa e twa to anvi ale, manz seki li servi twa san poz kestion konsians.

1 Ko 5:11

Mo ti pe rod dir zot pa asosie zot ar kikenn ki dir li enn krwayan, me ki pe viv enn lavi debos, li enn rapas, li ador bann idol, li insilte ek abiz so prosin, li enn soular ou enn voler. Fode pa manz ansam ar enn dimoun koumsa.

1 Ko 5:9

Dan let ki mo ti ekrir avan, mo ti dir zot ki fode pa ki zot asosie zotmem ar dimoun ki viv dan imoralite.

2 Ko 4:4

Zot pa krwar parski bondie lemal dan sa lemonn la finn fer zot lespri aveg pouki zot pa trouv lalimier Bonn Nouvel ki revel laglwar Lekris, ki montre nou kouma Bondie ete exakteman.

Ef 2:2

Lontan zot ti pe viv sa lavi la; sa lepok la zot ti pe swiv bondie sa lemonn la, sa prins ki ant lesiel ek later, sa lespri ki pe azir aster parmi bann ki opoz Bondie.

Let pou Filipien 2:15

pouki zot vinn bann zanfan Bondie san defo e san repros omilie sa lemonn move ek perverti la. Zot bizin briye parmi zot kouma zetwal dan lesiel.

1 Zn 4:5

Bannla sorti dan lemonn, alors tou seki zot dir sorti dan lemonn e lemonn ekout zot.

1 Zn 4:7

Mo bann frer ek ser bieneme, nou bizin kontan nou kamarad, parski lamour sorti kot Bondie. Dimoun ki kontan so kamarad, li sorti kot Bondie e li konn Bondie.

1 Zn 5:19

Nou kone ki nou zanfan Bondie, e lemonn antie li dan pouvwar Lemal.

Revelasion 12:9

Sa gro dragon la ti perdi so plas. Sa vie serpan ki zot ti apel diab, ou Satan, sedikter lemonn, li avek so bann anz ti perdi zot plas dan lesiel.