1 Ko 2:13 - Nouvo Testaman dan Kreol Morisien

¹³ Samem kiksoz nou koze, pa par sazes ki lespri imin finn montre nou, me par bann parol ansegne par Lespri ki interpret bann verite spiritiel dan enn langaz spiritiel.

Nouvo Testaman Kreol Morisien Harmonisation NTPS KM

¹³ Samem kiksoz nou koze, pa par sazes ki lespri imin finn montre nou, me par bann parol ansegne par Lespri ki interpret bann verite spiritiel dan enn langaz spiritiel.

1 Ko 2:13 ပူးပေါင်းရင်းမြစ်များ

Lk 12:12

parski Lespri Sin pou montre zot dan sa ler la ki pou dir.

Zistwar Bann Zapot 2:4

Zot tou ti ranpli ar Lespri Sin e zot koumans koz dan lezot langaz dapre seki Lespri ti pe donn zot pou exprime.

1 Ko 1:17

Lekris pa finn avoy mwa pou batiz dimoun me pou proklam laparol, san servi enn langaz dapre lasazes imin, pouki lamor Zezi lor lakrwa pa perdi so pwisans.

1 Ko 14:2

Seki koz anlang pa koz ar dimoun me ar Bondie, parski personn pa konpran li. Li pe servi pwisans Lespri pou koz bann mister.

1 Ko 2:1

Frer e Ser, letan mo ti vinn kot zot pou rann temwagnaz lor Bondie, mo pa ti vinn avek enn langaz konplike ni avek enn lasazes siperyer.

1 Ko 2:14

Dimoun ki pena Lespri pa aksepte bann kiksoz ki Lespri Bondie done, parski li paret enn foli pou li. Li inposib konpran sa bann don la parski bizin Lespri Bondie pou konpran sa.

1 Ko 2:4

E mo pa ti anons mo mesaz ou fer mo predikasion par bann diskour ki servi lasazes imin, me par enn demonstrasion pwisans Lespri Sin.

1 Ko 9:11

Nou finn sem bann semans spiritiel dan zot; eski li tro demande ki nou rekolte enn par dibien materyel?

Ef 5:19

Ankouraz zot kamarad par Psom, kantik ek sante spiritiel. Sante ek selebre Lesegner ar tou zot leker.

Let pou Kolosien 3:16

Ki parol Lekris prezan parmi zot dan tou so rises: ansegn zot prosin, fer zot ledikasion ar lasazes; par bann Psom, bann sante e bann kantik inspire par Lespri, sant zot rekonesans pou Bondie

1 Pi 1:12

Bondie ti revel ar bann profet ki zot pa ti pe servi zot prop lintere, me ti pou zot ki li ti transmet sa mesaz ki ti finn deza anonse par pwisans Lespri Sin depi dan lesiel. Mem bann anz ti anvi konn sa mesaz la.

2 Pi 1:16

Ofet, nou pa finn aranz enn zistwar baze lor bann kontdefe pou fer zot konn pouvwar Zezi Kris ek so retour, me noumem, nou finn trouv so grander ek nou prop lizie.