1 Ko 16:13 - Nouvo Testaman dan Kreol Morisien

¹³ Res lor zot gard, ferm dan lafwa, gard kouraz ek lafors.

Nouvo Testaman Kreol Morisien Harmonisation NTPS KM

¹³ Res lor zot gard, ferm dan lafwa, gard kouraz ek lafors.

1 Ko 16:13 ပူးပေါင်းရင်းမြစ်များ

Mt 25:13

Zezi kontigne, li dir: “Pran kont, parski zot pa konn ni zour, ni ler.”

Mt 26:41

Veye, priye pouki zot pa rant dan tantasion. Lespri anvi mem, me laser feb.”

Lk 21:36

Gard zot lizie ouver, priye pouki zot gagn ase lafors pou sap dan bann maler ki pou arive, pou zot kapav dibout e prezant zot devan Garson Limanite.”

1 Ko 14:20

Frer ek ser, pa rezonn kouma zanfan. Kan ena pou fer avek lemal, wi, la zot kapav kouma zanfan; me kan li konsern larezon, la zot bizin adilt.

1 Ko 15:58

Alor, mo bann frer ek ser, debout ferm. Pa les nanye destabiliz zot. Kontign progrese dan travay Lesegner, parski zot kone ki nanye pa perdi kan zot servi Lesegner.

2 Ko 1:24

Nou pa rod inpoz lor zot seki zot bizin krwar; nou kone ki zot ferm dan zot lafwa, me nou anvi kontribie pou zot boner.

Ga 5:1

Kris finn liber nou pouki nou vinn vremem lib. Alor zot bizin tini ferm, pa les zot kraze anba fardo lesklavaz ankor.

Ef 3:16

Mo dimann li, dapre rises so laglwar, ki li fortifie zot leker par so Lespri.

Ef 6:10

Pou termine, fortifie zot dan Lesegner ek dan lafors so pwisans.

Let pou Filipien 1:27

Me selman, amenn zot lavi dapre Bonn Nouvel Lekris. Mem si mo vinn get zot ou pa, mo espere tande ki zot pe tini ferm dan enn sel lespri pou lit ansam pou fer lafwa avanse dapre Bonn Nouvel.

Let pou Filipien 4:1

Mo bann frer e ser, mo bien kontan zot, e mo pe atann zot avek inpasians. Zotmem mo lazwa; res fidel dan zot lavi avek Bondie.

Let pou Filipien 4:13

Mo kapav fer fas avek tou sa bann sitiasion la parski Lekris li fortifie mwa.

Let pou Kolosien 1:23

Me bizin ki, par lafwa, zot res solid ek ferm, san ki zot deporte andeor lesperans ki vinn par Bonn Nouvel ki zot finn tande, ki finn proklame ar tou kreatir anba lesiel. Mwa Pol mo finn vinn serviter sa Bonn Nouvel la.

Let pou Kolosien 4:12

Epafras, ki enn parmi zot e enn serviter Zezi Kris, dir zot bonzour. Li touzour priy pou zot avek tou so leker, pouki zot res ferm, avek bann konviksion for, e ki zot donn enn wi total pou fer volonte Bondie.

Let pou Kolosien 4:2

Pa aret priye; se sa ki pou gard zot lespri vif e dan remersiman.

1 Tes 3:8

Aster la nou pe kapav viv parski zot finn tini ferm dan zot latasman avek Lesegner.

1 Tes 5:6

Alor anou pa dormi kouma lezot, me anou res eveye ek kalm.

2 Tes 2:15

Mo bann frer ek ser, tini ferm avek sa tradision ki nou finn montre zot la, ki li par parol ou par let.

1 Tim 6:12

Amenn gran konba lafwa, pran posesion lavi eternel pou lekel Bondie finn apel twa parski to finn fer enn zoli konfesion to lafwa anprezans boukou temwin.

2 Tim 2:1

Timote, mo garson, les Lekris Zezi rann twa pli for.

2 Tim 4:5

Me twa, gard to lespri kler. Siport leprev, fer to travay predikasion Bonn Nouvel. Ranpli to servis.

2 Tim 4:7

Mo finn konbat bon konba. Mo finn galoup mo lekours, mo finn gard mo lafwa.

1 Pi 4:7

Lafin tou kitsoz pe aprose. Zot bizin serye ek disiplinn zotmem pou zot kapav priye.

1 Pi 5:8

Pa fer zes; veye kouma bizin! Zot lennmi diab pe fer letour kouma enn lion feros; li pe rod kikenn pou devore.

Revelasion 16:15

Rapel seki Kris ti dir, “Ala, mo pe vini parey enn voler! Ere sa dimoun ki res eveye, so linz pare pou li mete, pouki li pa mars touni, e gagn onte.”