1 Ko 15:31 - Nouvo Testaman dan Kreol Morisien

³¹ Sak zour mo riske mo lavi; li vre, sa. Mo fierte pou zot dan Lesegner Zezi Kris ki fer mwa dir sa, mo bann frer ek mo bann ser.

Nouvo Testaman Kreol Morisien Harmonisation NTPS KM

³¹ Sak zour mo riske mo lavi; li vre, sa. Mo fierte pou zot dan Lesegner Zezi Kris ki fer mwa dir sa, mo bann frer ek mo bann ser.

1 Ko 15:31 ပူးပေါင်းရင်းမြစ်များ

Zistwar Bann Zapot 20:23

Sel kiksoz ki mo kone, seki dan sak lavil ena prizon ek persekision ki pe atann mwa.

Let pou Romin 8:36

Parey kouma finn ekrir: “Akoz twa nou dan danze lamor toulezour, tret nou kouma mouton ki pou egorze dan labousri.”

2 Ko 1:12

Rasinn nou fierte, se temwagnaz nou konsians: nou konportman dan lemonn e avek zot li nouri par sinserite ek pirte ki Bondie donn nou. Nou pa gide par sazes imin me par lagras Bondie.

2 Ko 11:23

Bannla serviter Lekris? Mo pou dir enn foli la: mo meyer serviter ki zot. Mo finn travay plis ki zot; mo finn fer plis prizon ki zot; mo finn plis gagn bate, e mo finn pas pre ar lamor plis ki zot.

2 Ko 2:14

Nou loue Bondie parski li toultan antrenn nou dan kortez viktwar Lekris. Bondie servi nou pou fer konn Lekris partou kouma enn parfin ki fane partou.

Let pou Filipien 3:3

Nou, nou bann vre sirkonsi. Nou loue Bondie par so Lespri. Nou laglwar trouv dan Zezi e nou pa met nou konfians dan okenn imin.

1 Tes 2:19

Apre tou, zotmem nou lesperans, nou lazwa. Zot pou parey kouma enn kouronn doner pou nou dan prezans nou Segner Zezi letan li retourne.

1 Tes 3:9

Ki manier nou kapav remersi Bondie pou zot pou tou sa lazwa ki nou finn santi devan Bondie akoz zot.