1 Ko 15:1 - Nouvo Testaman dan Kreol Morisien

¹ Frer ek ser, mo anvi rapel zot Bonn Nouvel ki mo finn anons zot, ki zot finn resevwar, e lafwa zot ena lor sa li bien ferm.

Nouvo Testaman Kreol Morisien Harmonisation NTPS KM

¹ Frer ek ser, mo anvi rapel zot Bonn Nouvel ki mo finn anons zot, ki zot finn resevwar, e lafwa zot ena lor sa li bien ferm.

1 Ko 15:1 ပူးပေါင်းရင်းမြစ်များ

Zn 12:48

Seki rezet mwa e pa aksepte mo bann parol, inn fini pas zizman lor limem. Parol ki mo pe dir, samem pou ziz li dan dernie zour.

Zistwar Bann Zapot 11:1

Bann apot ek bann frer ki ti dan Zide ti tann dir ki bann non-Zwif osi finn resevwar parol Bondie.

Zistwar Bann Zapot 2:41

Boukou seki finn krwar sa mesaz la ti pran batem, e sa zour la anviron trwa-mil dimoun ti azoute ar group bann krwayan.

Let pou Romin 11:20

Sa li vre. Ti koup zot akoz zot ti mank lafwa, e twa to dan zot plas akoz lafwa ki to ena. Me pa pran enn ler arogan; okontrer montre boukou respe.

Let pou Romin 2:16

Samem ki pou arive zour ki Bondie pou ziz leker bann dimoun par Zezi Kris, kouma mo Bonn Nouvel anonse.

Let pou Romin 5:2

Akoz nou ena lafwa dan Lekris, li finn fer nou gagn akse lagras Bondie, e nou viv dan lexperyans sa lagras la. Nou met nou fierte dan lesperans ki nou partaz laglwar Bondie.

1 Ko 16:13

Res lor zot gard, ferm dan lafwa, gard kouraz ek lafors.

1 Ko 3:6

Mwa mo finn plant lagrin, Apolos finn aroze, me Bondie ki finn fer pouse.

1 Ko 4:15

Mem si arive zot ena dis mil dimoun ki gid zot lavi dan Lekris, zot pena plizir papa, parski mwa ki finn vinn zot papa dan Lekris par Bonn Nouvel ki mo finn amenn zot.

2 Ko 1:24

Nou pa rod inpoz lor zot seki zot bizin krwar; nou kone ki zot ferm dan zot lafwa, me nou anvi kontribie pou zot boner.

1 Tes 1:6

Zot finn imit nou ek Lesegner, malgre boukou soufrans, e zot finn resevwar laparol avek lazwa dan Lespri Sin.

1 Tes 2:13

Nou touzour pe rann gras Bondie parski letan nou finn anons zot so Parol, zot finn ekoute e zot finn aksepte li, pa kouma enn parol imin me kouma enn parol ki vremem sorti kot Bondie e ki pe azir dan zot, bann krwayan.

1 Tes 4:1

Finalman frer ek ser, zot finn aprann avek nou kouma zot bizin konport zot pou fer plezir Bondie, e zot pe deza fer li. Asterla nou dimann zot e nou sipliy zot lor nom Segner Zezi, pou fer plis ankor.

2 Tes 3:6

Mo bann frer ek ser, lor nom nou Segner Zezi Kris, nou dimann zot pou gard zot distans avek bann krwayan ki pe viv dan dezord e pa pe swiv bann tradision ki nou finn donn zot.

1 Pi 5:12

Mo pe ekrir zot sa ti let la avek led Silas, ki mo konsider kouma enn frer serye, pou ankouraz zot e pou sertifie ki samem vre lagras Bondie; zot bizin tini ferm ladan.