1 Ko 14:6 - Nouvo Testaman dan Kreol Morisien

⁶ Get sa, si mo vinn kot zot ek mo koz anlang, kouma sa pou profit zot si mo parol pa amenn ni revelasion, ni konesans, ni profesi, ni lansegnman?

Nouvo Testaman Kreol Morisien Harmonisation NTPS KM

⁶ Get sa, si mo vinn kot zot ek mo koz an lang, kouma sa pou profit zot si mo parol pa amenn ni revelasion, ni konesans, ni profesi, ni lansegnman?

1 Ko 14:6 ပူးပေါင်းရင်းမြစ်များ

Mt 11:25

Samem lepok la Zezi dir “Mo remersie twa, Papa, Segner lesiel ek later, parski to pa finn montre sa bann kiksoz la bann saz ek bann intelizan, me to finn revel zot ar bann pli tipti.

Mt 16:17

Zezi reponn li, “Bienere Simon, garson Zan! Pa to natir imin ki finn revel twa sa, me mo Papa ki dan lesiel.

Mt 16:26

Ki serti enn dimoun gagn lemonn antie me li perdi so lavi? Ki enn dimoun kapav done pou aste lavi?

Zistwar Bann Zapot 2:42

Zot ti devoue zot letan pou ekout lansegnman bann apot e kominion fraternel, zot ti partaz repa lakominion e lapriyer.

Let pou Romin 15:14

Mo bann frer, mo bann ser, mo ena konviksion ki zot ranpli ar bonte, ki zot ena tou konesans e ki zot kapav ansegn zot kamarad.

Let pou Romin 16:17

Mo sipliye zot, bann frer, bann ser, res lor zot gard kont bann dimoun ki diviz lezot pou fer bann klik, e egar zot par bann ansegnman ki kontrer ar seki zot ti aprann. Evit sa bannla.

Let pou Romin 6:17

Granmersi Bondie! Zot ki ti esklav pese, zordi avek tou zot leker zot obeir laverite ki dan lansegnman ki zot ti resevwar.

1 Ko 10:33

Koumsamem mo viv pou fer plezir tou dimoun; olie mo rod mo prop lintere, mo rod lintere tou dimoun pouki zot kapav sap dan pese.

1 Ko 14:1

Zot bizin swiv sime lamour e zot bizin dezir gagn don spiritiel, sirtou don profesi pou transmet mesaz Bondie.

1 Ko 14:7

Mem si nou konsider instriman ki pena lavi, kouma laflit oubien sitar; kouma pou rekonet ki laflit la ou sitar la ki pe zwe, si pena bann not bien kler?

2 Ko 11:6

Li posib ki mo pena sa don pou fer gran koze anpiblik, me mo ena konesans. Nou finn montre zot sa klerman toultan e dan tou kondision.

2 Ko 12:1

Mo oblize fer vantar, mem si sa pa bon. Asterla mo pou koz lor vizion ek revelasion ki Lesegner finn donn mwa.

2 Ko 12:7

Me pouki mo pa gonfle ar lorgey akoz sa bann revelasion extraordiner ki mo finn resevwar la, mo finn resevwar enn soufrans dan mo laser, enn mesaze Satan ki bat mwa, ki anpes mwa gonfle ar lorgey.

Ef 1:17

Mo priye Bondie Papa nou Segner Zezi Kris, Papa ki ena laglwar, ki li donn zot Lespri lasazes, e Lespri ki devwal Bondie pouki zot konn li plis ankor.

Ef 3:4

Letan zot lir sa, zot kapav konpran konesans ki mo ena lor mister ki konsern Lekris.

Let pou Filipien 3:15

Nou, bann adilt dan lafwa, nou bizin ena mem preokipasion. Me si zot ena enn lot lopinion lor ninport ki size, Bondie pou ekler zot.

2 Tim 2:14

Pa les personn bliye tousala. Dimann zot, par nom Bondie, pa vinn diskit ninport. Tousala gaspiyaz pou zorey e li detrir dimoun ki pe ekoute.

2 Tim 3:10

Twa Timote, to konn mo lansegnman ek manier ki mo viv. To konn mo proze, mo lafwa, mo pasians, mo lamour, mo landirans

2 Tim 3:16

Tou seki dan Lekritir, samem Parol Bondie ki servi pou ansegne, repran, korize, fer grandi dan lazistis,

2 Tim 4:2

proklam laparol, insiste touletan pou konvink. Fer repros ou donn ankourazman ki bizin kan to donn lansegnman. Pa perdi pasians.

Let pou Tit 3:8

Sa enn parol sir. Mo oule ki to met lanfaz lor sa bann kestion la afin ki bann ki finn met zot lafwa dan Bondie, zot ena aker pou fer lebien devan tou dimoun, seki enn bon zafer an limem.

Eb 13:9

Pa les tousort lansegnman etranze anbet zot. Li bon ki zot fortifie zot leker avek lagras Bondie, e non pa par bann regleman konsernan manze. Bann ki finn obzerv sa bann regleman la pa finn tir okenn benefis ladan.

2 Pi 1:5

Pou sa rezon la, zot bizin fer tou zefor posib pou ki avek zot lafwa zot azout enn bon konportman, e avek zot bon konportman vre konesans Bondie.

2 Pi 3:18

Kontigne progrese dan lagras ek konesans nou Segner ek Sover Zezi Kris. Laglwar pou li azordi ek dan leternite. Amenn.

2 Zn 1:9

Tou dimoun ki depas limit e pa gard lansegnman Kris, zot pena Bondie dan zot. Dimoun ki gard so lansegnman, zot ini avek Bondie Papa ek so Garson.