1 Ko 14:1 - Nouvo Testaman dan Kreol Morisien

¹ Zot bizin swiv sime lamour e zot bizin dezir gagn don spiritiel, sirtou don profesi pou transmet mesaz Bondie.

Nouvo Testaman Kreol Morisien Harmonisation NTPS KM

¹ Zot bizin swiv sime lamour e zot bizin dezir gagn don spiritiel, sirtou don profesi pou transmet mesaz Bondie.

1 Ko 14:1 ပူးပေါင်းရင်းမြစ်များ

Let pou Romin 12:6

Nou ena diferan don dapre lagras ki finn akord nou. Si nou ena don profesi, nou bizin servi li dapre lafwa ki nou ena.

Let pou Romin 14:19

Anou rod seki amenn lape e permet nou progres ansam dan lafwa.

Let pou Romin 9:30

Ki nou kapav dir alor? Bann non-Zwif ki pa ti pe rod rann zot drwat devan Bondie, finn vinn drwat par lafwa;

1 Ko 12:1

Asterla, konsernan bann don spiritiel, mo bann kamarad, mo pale ki zot res dan lignorans.

1 Ko 12:31

Alor, fixe zot leker lor seki pli inportan. Mo pou montre zot, asterla, ki sime ki pli bon lor tou.

1 Ko 13:13

Sa trwa kiksoz la reste: lafwa, lesperans ek lamour. Me dan sa trwa la, lamour pli gran.

1 Ko 13:2

Si mo ena don profetize, mo posed kapasite plonz dan tou mister ek konesans, e si mo ena lafwa pou bouz montagn, me mo pena lamour, mo enn nanye ditou.

1 Ko 14:22

Koz anlang li enn sign pou bann non-krwayan, pa pou bann krwayan. Parkont, profesi li pou bann krwayan e non pou bann non-krwayan.

1 Ko 14:37

Si kikenn panse ki li enn profet, oubien ki li ena enn don ki Lespri done, li bizin rekonet ki dan seki mo pe ekrir ena komannman Lesegner.

1 Ko 14:39

Alor mo bann frer ek mo bann ser, ena dan zot sa dezir pou profetize la, e pa anpes koz anlang.

1 Ko 16:14

Met lamour dan tou seki zot fer.

Ef 1:3

Anou beni Bondie ki Papa nou Segner Zezi Kris. Dan nou linion avek Zezi Kris, Bondie finn beni nou ar tou kalite benediksion spiritiel lao dan lesiel.

1 Tes 5:20

Pa mepriz mesaz bann profet;

1 Tim 4:14

Pa negliz don lagras ki to finn resevwar kan bann profet ti pronons parol dan to faver e group bann ansien ti inpoz lame lor twa.

1 Tim 5:10

To bizin gete si li ena bon repitasion, si li finn bien elve so bann zanfan, si li finn konn akey dimoun, si li finn met limem oservis bann frer ek ser ki vini, si li finn aport sekour bann malere, si li finn fer dibien ek bann bonaksion.

1 Tim 6:11

Me twa ki reprezant Bondie, evit tousala. Rod lazistis, latasman ar Bondie, lafwa, lamour, pasians ek douser.

2 Tim 2:22

Fer atansion bann piez kot zenes rantre san panse. Touzour viv drwat. Pratik lafwa, lasarite, lape avek bann dimoun sinser kan zot invok Lesegner.

Eb 12:14

Sey viv anpe avek tou dimoun, viv enn lavi sin, parski san sa, personn pa pou kapav trouv Lesegner.

2 Pi 1:7

avek latasman ar Bondie azout lafeksion ki zot ena ant zot, avek lafeksion ki zot ena ant zot azout lamour.

3 Zn 1:11

Kamarad, pa bizin imit saki mal me imit saki bien. Dimoun ki pratik lebien li avek Bondie; dimoun ki pratik lemal li pa konn Bondie.