1 Ko 13:7 - Nouvo Testaman dan Kreol Morisien

⁷ Lamour toultan pe proteze, toultan pe fer konfians, toultan ena lesperans, toultan persevere.

Nouvo Testaman Kreol Morisien Harmonisation NTPS KM

⁷ Lamour touletan pe proteze, touletan pe fer konfians, touletan ena lesperans, touletan persevere.

1 Ko 13:7 ပူးပေါင်းရင်းမြစ်များ

Mt 10:22

Tou dimoun pou air zot akoz mwa, me seki tini ferm ziska dan bout, li pou sove.

Mk 9:23

Zezi dir li, “To pe dir si ou kapav? Be tou kiksoz posib pou dimoun ki ena lafwa.”

Let pou Romin 15:1

Nou ki for dan lafwa, nou bizin ed bann ki feb, e pa zis rod seki fer noumem plezir.

Let pou Romin 8:24

Se dan lesperans ki nou finn sove. Me si nou trouv seki nou pe espere, li nepli lesperans ditou. Kisannla ki esper kiksoz ki li deza ena?

1 Ko 13:4

Lamour bien pasian, lamour li bon. Li pa zalou, li pa arogan, li pa fer fier.

1 Ko 9:12

Si lezot kapav gagn zot soutien, eski nou, nou pa merit li plis ankor? Me nou pa finn servi sa drwa la. Okontrer nou finn siport tou pouki pena okenn obstak ki blok Bonn Nouvel Lekris.

Ga 6:2

Sakenn bizin ed so kamarad, lerla zot pou met anpratik lalwa Lekris,

2 Tes 1:4

Akoz samem nou koz lor zot avek boukou fierte dan legliz Bondie. Zot pe tini ferm dan zot lafwa malgre tou bann persekision ek detres ki zot ankor pe siporte.

2 Tim 2:24

Enn bon serviter Lesegner li pa enn bagarer. Li bizin akeyan anver tou dimoun ek fodre li kapav donn lansegnman sir kot li montre pasians.

2 Tim 3:11

dan persekision ek dan soufrans ki mo finn viv dan landrwa kouma Antios, Ikoniem, List. Ki mo napa finn sibir? E partou Lesegner finn delivre mwa.

2 Tim 4:5

Me twa, gard to lespri kler. Siport leprev, fer to travay predikasion Bonn Nouvel. Ranpli to servis.

Eb 13:13

Alor anou al ver li andeor kan pou partaz so imiliasion.

Let Zak 1:12

Li pou bienere sa dimoun ki tini ferm dan leprev. Bann ki prouve zot ferm pou resevwar kouronn laviktwar ki Bondie finn promet bann ki kontan li.

1 Pi 2:24

Dan so prop lekor li finn sarye nou pese lor lakrwa, pouki nou aret viv dan pese e viv enn fason ki korek. Par so bann blesir, nou finn geri.

1 Pi 4:8

Avan tou, kontan zot kamarad, parski lamour pou fer zot pardonn boukou pese lezot.