1 Ko 13:12 - Nouvo Testaman dan Kreol Morisien

¹² Asterla nou trouv flou kouma dan enn vie laglas, me enn zour pou arive kot nou pou trouv fasafas. Asterla mo konesans li limite, me plitar mo pou konn Bondie dan enn fason konple, parey kouma Bondie konn mwa.

Nouvo Testaman Kreol Morisien Harmonisation NTPS KM

¹² Aster-la nou trouv flou kouma dan enn vie laglas, me enn zour pou arive kot nou pou trouv fasafas. Aster-la mo konesans li limite, me plitar mo pou konn Bondie dan enn fason konple, parey kouma Bondie konn mwa.

1 Ko 13:12 ပူးပေါင်းရင်းမြစ်များ

Mt 18:10

Fer sir ki zot pa mepriz enn sa bann ti zanfan la; parski les mo dir zot, ki zot bann anz toultan dan prezans mo Papa dan lesiel.

Mt 5:8

Bienere zot ki ena leker san tas, zot pou ar Bondie e zot pou trouv li.

Zn 10:15

Kouma mo papa konn mwa, e mwa mo konn mo papa, mo pare pou donn mo lavi pou mo bann brebi.

Let pou Romin 8:18

Mo panse seki nou pe soufer dan sa letan prezan la, pa kapav konpare ar laglwar ki Bondie pou revel nou.

1 Ko 13:11

Letan mo ti enn zanfan, mo ti rezonn kouma enn zanfan. Letan mo finn vinn enn zom, mo finn met tou seki zanfan deryer mwa.

1 Ko 8:3

Me dimoun ki kontan Bondie, Bondie osi kontan li.

2 Ko 3:18

Nou tou, ki nepli ena vwal lor nou figir nou reflet laglwar Lesegner. Lespri pe transform nou pouki nou resanble Lesegner, avek enn laglwar ki kontign ogmante plis ankor. Sa, li vinn depi Lespri Lesegner.

2 Ko 5:7

Nou viv par lafwa, nou pa viv par seki lizie trouve.

Let pou Filipien 3:12

Mo pa pe pretann ki mo finn deza rant dan bit oubien vinn parfe. Me mo pe kontign al anavan pou gagn sa pri la, parski Zezi Kris limem finn sezi mwa.

Let Zak 1:23

Si kikenn ekout laparol e pa met li anpratik, li parey enn dimoun ki get limem dan laglas,

1 Zn 3:2

Mo bann kamarad, nou deza bann zanfan Bondie, me li pa kler kouma nou pou ete apre. Me nou kone kan li pou vini nou pou resanble li, parski nou pou trouv li parey kouma li ete.

Revelasion 22:4

Zot pou trouv so vizaz e zot nom pou ekrir lor so fron.