1 Ko 12:11 - Nouvo Testaman dan Kreol Morisien

¹¹ Tousala, aktivite enn sel e mem Lespri Bondie, e li akord sakenn enn don diferan dapre so volonte.

Nouvo Testaman Kreol Morisien Harmonisation NTPS KM

¹¹ Tousala, aktivite enn sel e mem Lespri Bondie, e li akord sakenn enn don diferan dapre so volonte.

1 Ko 12:11 ပူးပေါင်းရင်းမြစ်များ

Mt 11:26

Wi, Papa samem ti to volonte.

Mt 20:15

Eski mo pena drwa fer seki mo anvi ar mo dibien? Oubien, eski to zalou parski mo zenere?’

Zn 3:27

Zan reponn zot, “Personn pa kapav gagn okenn pouvwar si lesiel pa finn donn li.

Zn 3:8

Divan soufle kot li anvi, to tann son so mouvman me to pa kone kot li sorti ni kot li pe ale; li parey pou dimoun ki pran nesans dan Lespri.”

Zn 5:21

Parey kouma Papa la lev dimoun mor e donn zot lavi, Garson la osi donn lavi dimoun ki li anvi.

Let pou Romin 12:6

Nou ena diferan don dapre lagras ki finn akord nou. Si nou ena don profesi, nou bizin servi li dapre lafwa ki nou ena.

Let pou Romin 9:18

Bondie fer mizerikord pou seki li oule, e seki li oule li les li vinn teti.

1 Ko 12:18

Anrealite, Bondie finn dispoz sak parti dan enn lekor dapre so volonte.

1 Ko 12:4

Ena enn varyete don, me enn sel Lespri Bondie ki donn sa bann don la.

1 Ko 12:6

Ena enn varyete aktivite, me enn sel Bondie ki donn sak dimoun kapasite pou fer bann aktivite la.

1 Ko 7:17

Apar sa ka la, sakenn parmi zot bizin kontign viv so lavi dapre seki Bondie finn donn li letan ti apel li. Samem lalwa ki mo finn etablir dan legliz partou.

1 Ko 7:7

Mo ti pou kontan si tou zom ti kouma mwa. Me sak zom gagn enn don ki Bondie donn li; ena ki gagn enn kalite don, ena ki ena lot don.

2 Ko 10:13

Nou pena pou fer fezer e fer krwar nou bann terib, me nou pou res dan limit ki Bondie finn etablir, dan travay ki li finn permet nou fer pouki nou kapav vinn ziska kot zot.

Ef 1:11

Dan nou linion ar li, nou finn resevwar enn leritaz ki ti promet nou, parski Bondie ti finn swazir nou davans, dapre so plan,

Ef 4:7

Selma, sakenn parmi nou finn gagn lagras dapre zenerozite Lekris.

Eb 2:4

Bondie limem finn soutenir sa mesaz la par bann sign extraordiner avek enn bann mirak e osi par bann don dapre volonte Lespri Sin.

Let Zak 1:18

Par so prop volonte li finn donn nou lavi par so Parol ki laverite, pouki nou kapav vinn kouma bann premie fri kreasion.