1 Ko 11:2 - Nouvo Testaman dan Kreol Morisien

² Mo felisit zot parski zot ankor rapel mwa dan tou kiksoz, ek zot ankor swiv tradision Kretien ki mo finn kit ar zot.

Nouvo Testaman Kreol Morisien Harmonisation NTPS KM

² Mo felisit zot parski zot ankor rapel mwa dan tou kiksoz, ek zot ankor swiv tradision Kretien ki mo finn kit ar zot.

1 Ko 11:2 ပူးပေါင်းရင်းမြစ်များ

Lk 1:6

Toulede ti pe viv drwat devan Bondie, parski zot ti pe swiv lalwa ek so bann komannman kouma bizin.

1 Ko 11:17

Lor remark ki aster mo pou fer, mo pa kapav felisit zot parski kan zot fer zot reynion zot fer plis ditor ki dibien.

1 Ko 11:22

Eski zot pena lakaz pou manze ek bwar? Oubien zot mepriz lakaz Bondie e zot oule imilie bann ki pena nanye? Ki mo pou dir zot? Mo bizin felisit zot? Bliye sa, mo dir zot!

1 Ko 15:2

Par sa Bonn Nouvel la ki zot sove, si zot res atase dan enn fason ferm ar parol ki mo finn anonse. Sinon, savedir zot finn krwar dan vid.

1 Ko 4:17

Pou sa rezon la ki mo pe avoy Timote kot zot. Mo kontan li kouma mo garson, e li fidel dan Lesegner. Li pou rapel zot bann prinsip ki diriz mo lavi dan Lekris. Li parey kouma seki mo ansegne partou, dan tou legliz.

1 Ko 7:17

Apar sa ka la, sakenn parmi zot bizin kontign viv so lavi dapre seki Bondie finn donn li letan ti apel li. Samem lalwa ki mo finn etablir dan legliz partou.

1 Tes 1:6

Zot finn imit nou ek Lesegner, malgre boukou soufrans, e zot finn resevwar laparol avek lazwa dan Lespri Sin.

1 Tes 3:6

Me Timote fek retourne depi kot zot avek bann bon nouvel lor zot lafwa ek zot lamour. Li finn dir nou osi ki zot pe touzour pans nou e pe anvi retrouv nou parey kouma nou osi nou anvi retrouv zot.

2 Tes 2:15

Mo bann frer ek ser, tini ferm avek sa tradision ki nou finn montre zot la, ki li par parol ou par let.

2 Tes 3:6

Mo bann frer ek ser, lor nom nou Segner Zezi Kris, nou dimann zot pou gard zot distans avek bann krwayan ki pe viv dan dezord e pa pe swiv bann tradision ki nou finn donn zot.