1 Ko 10:32 - Nouvo Testaman dan Kreol Morisien

³² Viv enn fason ki zot pa kre skandal ni pou bann Zwif ni pou bann Grek ni pou legliz Bondie.

Nouvo Testaman Kreol Morisien Harmonisation NTPS KM

³² Viv enn fason ki zot pa kree skandal ni pou bann Zwif ni pou bann Grek ni pou Legliz Bondie.

1 Ko 10:32 ပူးပေါင်းရင်းမြစ်များ

Zistwar Bann Zapot 20:28

Vey lor zotmem e lor tou zot troupo kot Lespri Sin finn met zot gardien. Pran swin Legliz ki Bondie finn gagne pou limem par disan so prop Garson.

Zistwar Bann Zapot 24:16

Akoz samem mo finn toultan fer tou mo posib pouki mo konsians kler devan Bondie ek devan bann zom.

Let pou Romin 14:13

Anou aret ziz nou kamarad. Servi zot zizman plito pou pa ki fer zot frer ou ser tom dan pese.

1 Ko 1:2

Mo pe ekrir legliz Bondie ki dan Korint, zot ki finn apele pou vinn lepep Bondie, ki li finn met apar pou li dan Zezi Kris, ansam ar lezot ki partou pe invok nom Segner Zezi Kris, zot Segner ek nou Segner.

1 Ko 10:33

Koumsamem mo viv pou fer plezir tou dimoun; olie mo rod mo prop lintere, mo rod lintere tou dimoun pouki zot kapav sap dan pese.

1 Ko 11:22

Eski zot pena lakaz pou manze ek bwar? Oubien zot mepriz lakaz Bondie e zot oule imilie bann ki pena nanye? Ki mo pou dir zot? Mo bizin felisit zot? Bliye sa, mo dir zot!

1 Ko 12:28

Bondie finn met tou anplas dan legliz. Premie, li finn met apot, deziem bann profet, trwaziem bann ki responsab pou ansegne, apre bann ki akonplir mirak, apre bann ki kapav geri malad, bann ki ed lezot, bann ki diriz travay legliz, e bann ki koz langaz ki ena parol etranz.

1 Ko 15:9

Mo pli tipti parmi bann apot, e mo mem pa merit ki apel mwa apot, parski mo ti persekit legliz Bondie.

1 Ko 7:17

Apar sa ka la, sakenn parmi zot bizin kontign viv so lavi dapre seki Bondie finn donn li letan ti apel li. Samem lalwa ki mo finn etablir dan legliz partou.

1 Ko 8:13

Akoz sa, si nouritir ki lakoz ki fer enn frer ou enn ser tom dan lerer, zame mo pa pou manz laviann ankor.

2 Ko 1:1

Mwa Pol, enn apot Zezi Kris par volonte Bondie, ek Timote nou frer, Mo pe ekrir zot, legliz ki dan Korint, ek tou bann krwayan ki partou dan Akai:

2 Ko 6:3

Nou pa pe met okenn obstak pou kre skandal lor sime personn, pouki nou minister li san repros.

Ga 1:13

Zot finn tann koz mo ansien lavi kan mo ti ankor atase avek larelizion Zwif, kouma mo ti persekit legliz Bondie e mo ti rod detrir li.

Let pou Filipien 1:10

pouki zot kapav disern seki bien. Lerla zot pou pir ek san repros letan Kris revini,

Let pou Filipien 3:6

Mo ti telman kontan pratik lalwa pouki mo finn rann lavi dimoun legliz amer. Personn pa kapav repros nanye lor mo lavi.

1 Tes 2:14

Ofet, mo bann frer ek ser, zot finn swiv lexanp bann dimoun ki dan legliz Bondie dan Zide ki krwar dan Zezi Kris. Zot prop pep finn persekit zot, parey kouma bannla ti sibir ar bann Zwif,

1 Tim 3:15

Si zame mo tarde, to kone asterla ki fason to bizin konport twa dan lakaz Bondie, samem Legliz Bondie ki vivan, kouma enn kolonn ek enn sipor ki tini laverite.

1 Tim 3:5

Kimanier enn dimoun pou kapav pran sarz Legliz Bondie si li pa kapav diriz so prop fami?