1 Ko 10:17 - Nouvo Testaman dan Kreol Morisien

¹⁷ Akoz ena enn sel dipin, nou tou nou enn sel lekor, parski nou tou nou partisip dan enn sel dipin.

Nouvo Testaman Kreol Morisien Harmonisation NTPS KM

¹⁷ Akoz ena enn sel dipin, nou tou nou enn sel lekor, parski nou tou nou partisip dan enn sel dipin.

1 Ko 10:17 ပူးပေါင်းရင်းမြစ်များ

Let pou Romin 12:5

Dan mem fason, nou ki plizir, nou form enn sel lekor dan linion avek Lekris e sakenn apartenir ar lezot.

1 Ko 10:21

Zot pa kapav bwar dan koup ki servi dan seremoni ki ofer demon, ek anmemtan bwar dan koup ki servi dan kominion avek Lesegner. Zot pa kapav partisip dan repa ki servi lor latab Lesegner ek anmemtan manz lor latab demon.

1 Ko 12:12

Enn lekor, mem si ena plizir manm, li form enn sel linite. Lekris, li parey.

1 Ko 12:27

Zot tou fer parti lekor Lekris, e sakenn parmi zot enn manm sa lekor la.

Ef 3:6

Ala mister la: bann non-Zwif gagn mem leritaz ki bann Zwif, zot manm mem lekor, e zot partaz mem promes dan Lekris Zezi par Bonn Nouvel.

Ef 4:16

Par li bann diferan parti lekor vinn ansam; lekor antie tini ansam par bann zwentir; alors koumsamem li grandi e li devlope dan lamour.

Ef 4:25

Rezet mansonz. Koz laverite ar zot prosin, parski nou tou manm enn sel lekor.

Ef 4:4

Ena enn sel lekor, enn sel Lespri, e Bondie ti apel zot pou enn sel lesperans.

Let pou Kolosien 2:19

Pa les personn detas zot ek Lekris ki latet, ki mintenir ansam lekor antie, ki gard li ini avek bann artikilasion ek bann ligaman, pou li grandi gras a Bondie.

Let pou Kolosien 3:11

la, pena ni Grek ni Zwif, ni seki sirkonsi ni seki pa sirkonsi, etranze, tribi pa sivilize, esklav, lib, me selman Lekris ki tou, Lekris dan zot tou.

Let pou Kolosien 3:15

Ki lape Lekris regn dan zot leker, pou samem ki zot tou inn apele pou form enn sel lekor. Viv dan rekonesans.